Performance ng athlete na anak

Kahit anong mangyari huwag sisisihin ang sarili o ang anak kapag kulang ito sa motivation na maglaro sa kanyang sports. Ang athletic performance ng anak ay hindi nakasalalay sa magulang. Ang tagumpay ng athlete hindi ibig sabihin ay magiging super-parent ka na. Wala rin dapat ikahiya o ikadismaya ang pagkakamali ng anak sa kanyang paglalaro. Hayaang makita ng anak sa sarili nitong pananaw at magsikap upang maintindihan kung ano ang dapat niyang gawin.

Makatutulong kung tatanungin ang anak kung anong gusto niyang mangyari o goals nito. Anong dapat niyang gawin? Kapag nagsalita ang bata ay makinig sa kanya. Sa ganitong paraan ay natutulungan ang anak na ma-motivate dahil ang inyong athlete ay kailangan din ng experimentation mula sa tulong ng kanilang magulang.