Bagong silang na buwaya sinasalo gamit ang panga

Ang panga ng mga crocodile o buwaya ang may pinakamalakas na panga sa lahat ng mga hayop na nabubuhay ngayon.

Halimbawa na lamang ng salt water crocodile na matatagpuan sa Australia, kaya nilang kumagat ng tatlong beses na mas ma­lakas sa kagat ng mga lion at tigre.

Sa kabila ng pagiging malakas ng kanilang mga panga, sensitibo pa rin ito at kayang maramdaman agad ang isang sundot lang ng tao rito.

Makapal ang balat ng buwaya at marami rin itong sense organ na nakakonekta sa kanilang bungo kaya mabilis na nadi-detect ang anumang galaw na malapit dito.

Ang panga rin ng mga buwaya ang ginagamit nila para kunin ang mga bagong silang nilang anak.

At hindi nila ito nasasaktan dahil sa sobrang ingat sa kanilang baby crocodile.