Ang Paboritong KFC Fried Chicken sa Japan

Noche Buena ang mas pinaghahandaan sa Pilipinas tuwing Kapaskuhan. Pero sa ibang parte ng mundo, mas mahalaga sa kanila ang Christmas dinner. At kahit sa Japan na may maliit na populasyon ng mga Kristiyano, ay nagkakandarapa rin sa Christmas dinner. Pero kakaiba ang naging kaugalian ng mga Hapon tuwing Pasko. KFC fried chicken, cake, at champagne o wine ang nakaugalian nang kainin tuwing Christmas dinner sa Japan.

Nagsimula ito noong 1974 nang maging patok ang campaign ng KFC sa Japan. Isang grupo ng foreigner kasi ang hindi makakita ng turkey para sa Pasko kaya nakuntento na lang sila sa friend chicken. Dito nakuha ng fastfood chain ang ideya at gumawa ng “Kurisumasu ni wa kentakkii!” (Kentucky for Christmas!) marketing campaign. Fried chicken at wine lang ang kasama sa meal pero ngayon ay may cake na rin itong kasama at ilang side dish.