Sang-ayon ba Kayo sa Paggamit ng Interpreter ng Ating Pambato sa Miss U?!

• Bakit naman hindi? Eh kung doon mas masasagot ni Maxine nang mas maayos ang tanong at mai-express niya ang kanyang gustong sabihin eh ‘di bigyan. ‘Yung mga ibang bansa nga hindi nahihiyang gumamit ng interpreter eh at nananalo sila dahil talagang nasasagot nila nang maayos ang tanong. – Arnold, Makati

• Para sa akin, parang kahiya-hiya na gumamit ng interpreter sa mga pageant. To think, nanggaling pa siya sa magandang unibersidad. At saka tingin ko hindi niya naman kailangan ng interpreter eh, confidence ang kulang sa kanya kaya parang mali-mali ang kanyang mga isinasagot sa mga interbyu. Naniniwala ako kay Maxine. – Billy, Antipolo

• Walang masama sa paggamit ng interpreter lalo na kung mas ikagaganda ito ng pagsagot ng isang kandidata. Sa kaso ng pambato natin, mukhang hindi niya masyadong masabi ang gusto talaga niyang ibahagi sa wikang Ingles kaya mas mainam kung gumamit ito ng interpreter at mag-Tagalog na lang. Baka ‘yun pa ang ikapanalo niya. – Chito, Bohol

• Naniniwala ako sa kakayahan ni Maxine kahit wala siyang interpreter. Kailangan lang niyang gawin ang best niya sa pagsagot sa katanungan. Hindi naman siguro kailangang may lalim ang sagot eh, basta may sense lang at direct to the point. ‘Yun ang mahalaga. Kaya dapat hindi na paapekto si Maxine sa mga nangnenega. -Daryl, Cebu

• Mas maganda siguro kung kukuha si Maxine ng interpreter para hindi mapahiya ang samba­yanang Pilipino. To think na sinasabing, ang mga Pilipino raw ang pinakamagaling mag-Ingles sa mga bansa sa Asya. Dapat patunayan ‘yun ni Max. Mag-aral siya at mag-practice. Kaya niya ‘yun.  – Lito, Laguna