Cervical Cancer
Ang cervical cancer ay ang kanser na nakakaapekto sa cervix o kuwelyo ng matres ng babae. Ayon sa mga doktor, ang kanser sa cervix ay ang pangalawa sa mga nangungunang kanser na nakakaapekto sa kababaihan sa buong mundo. Ang cervix ay isang bahagi ng reproductive system ng mga babae na makikita sa pagitan ng vagina at uterus (matres). Minsan ay tinatawag din ito bilang kuwelyo ng matres. Ang cervical cancer ay maaaring makaapekto sa lahat ng kababaihan, may karanasan man sa pakikipagtalik o wala.
Pero ang panganib ng pagkakaroon nito ay higit na mataas kung higit sa isa ang kapareha sa pagtatalik lalo na sa mga humahawak ng pulbura o yung mga kemikal. Ang tinuturong sanhi ng pagkakaroon ng cervical cancer ay ang impeksyon ng Human Papillomavirus o HPV. Matatandaan na ang HPV ang siya ring nagdudulot ng kulugo sa balat. Ang HPV ay kadalasang nakukuha ng mga babae sa pamamagitan ng pakikipagtalik. Mataas ang posibilidad ng pagkakaroon ng cervical cancer dahil sa mga matagal na panahon na paggamit ng iniinom na contraceptives, paninigarilyo, impeksyon ng HIV, maagang edad ng pakikipagtalik, at pakikipagtalik sa iba’t ibang kapareha.
- Latest