Crush na Berde ang Dugo

Dear Vanezza,

Mayroon akong taong nagugustuhan. Gustung-gusto ko talaga siya. Classmate ko siya at madalas kaming magkasama. Madalas ko siyang makaharutan. Pero tingin ng mga kaibigan ko ay bading siya. Kapag nagkakatinginan kami ay bigla na lang siyang tumatawa. Siya lang ang gusto kong lalaki at hinihintay ko lang na magtapat siya sa akin. Kaso, tingin nila ay berde ang dugo niya na hindi ko naman mapansin. Dapat pa rin ba akong maghintay sa kanya? –Wiffey

Dear Wiffey,

Ituloy mo lang ang maganda ninyong samahan at huwag munang bigyan ng kahulugan ang kanyang mga ngiti sa’yo. Mahirap umasa lalo’t hindi mo alam kung type ka niya. Maaaring ine-enjoy niya ang company mo at wala sa isip na ligawan ka. Bakit hindi mo siya tanungin ng deretso para alam mo kung lalaki siya o pa girl. Para matigil na ang ilusyon mo sa kanya kung hindi ka niya type.

Sumasaiyo,

Vanezza