Bata sa Moscow dalawang taong inaruga ng mga askal
Grabe na ‘to! Isang apat na taong gulang na batang lalaki ang dalawang taong namuhay kapiling ng mga askal sa Moscow, Russia. Ang bata ay kinilalang si Ivan Mishukov na pinaniniwalang inabandona pero ayon sa ibang balita ay tumakas mula sa kanyang abusado at lasenggong ama.
Mula nang siyang umalis sa kanilang tahanan ay pagala-gala siya sa mga kalsada ng Moscow para maghanap ng pagkain at masisilungan. Isang araw ay nakakita siya ng grupo ng mga askal at kinaibigan ang mga ito. Tuwing umaga ay nanlilimos ang bata ng pagkain at iniuuwi sa mga aso para kanilang pagsaluhan. Bilang ganti ay pinoprotektahan siya ng mga aso at inilalayo sa ibang tao sa gabi maging sa mga pulis na rumoronda.
Namuhay ang bata sa ganitong senaryo ng dalawang taon at nakagugulat dahil naka-survive siya ng dalawang Moscow winters na grabe ang lamig.
Nakuha rin siya ng mga awtoridad at ngayo’n namumuhay na ng normal.
- Latest
