Alam n’yo ba?
Alam n’yo ba na ang “underground river” sa Puerto Princesa, Palawan ay unang idineklara ng UNESCO bilang isa sa mga dapat ipagmalaking kayamanan sa buong mundo noong Disyembre 1999? Ang ilog at kuwebang ito ay nasa ilalim ng St. Paul mountain. Sa loob nito ay mayroong 1,936 na mga sulat sa bato ng nasabing kuweba. Ngunit ipinagbawal ang paglalagay ng anumang marka sa loob nito simula ng nabanggit na deklarasyon ng UNESCO. Ang underground river na ito ang pinakamahabang ilog sa ilalim ng bundok sa buong mundo. Ito ay may habang 8.2 kilometro at kinakailangan munang humingi ng permiso sa otoridad ang sinumang nais na maglakbay sa ilog na ito. Makikita sa loob ng kuweba nito ang iba’t ibang hugis ng ibon, dinosaurs, gulay at mga imahe. Dito rin naninirahan ang 500,000 paniki.
Ang pambihirang katangian ng ilog na ito ay ang pag-agos ng tubig nito sa kuweba patungo sa South China sea kung saan maghahalo ang tubig alat at tubig tabang sa dulo ng ilog na ito.
- Latest