Edu, may nilabas na ibang anak!
Ang daming nagulat nang malamang tatlo pala ang anak na lalake ni Edu Manzano dahil ang alam lang natin, sina Luis at Lorenzo Manzano lang ang mga anak na lalake ng aktor at isa ang anak na babae.
Pero, sa isang post ni Edu na kasama si Eduardo, may kasama silang isang guy at sabi sa caption ni Edu, “In 3 different time-zones, US, Southeast Asia and Europe, Diego, Lorenzo and Eduardo. Still short one Manzano, Luis. #family #bonding #bondingtime #manzanos.”
Sa comment box, mababasa ang comment ni Diego na “who’s the best looking one there dad @realedumanzano.” Ang sagot ni Edu, “@diegoaspiras won’t even dare to reply to that one D.”
Binisita namin ang Instagram ni Diego at soccer player pala ito at pina-follow siya sa IG nina Edu at Luis. Dahil Aspiras ang apelyido ni Diego, may mga hindi naniniwalang anak siya ni Edu, baka raw si Edu lang ang father figure nito.
Gloria Diaz, may payo kay Michelle Dee
Ang payo ng first Pinay Miss Universe Gloria Diaz kay 2023 Miss Universe Philippines Michelle Dee ay deadmahin ang bashers. Sinabi ito ni Gloria sa interview sa kanya sa 24 Oras.
“Nakita ko lang that she was crowned. Very nice! And Mimi (Melanie Marquez) was so proud,” panimula ni Gloria at sinundan ng advice.
“When I won Miss Philippines hey said it was lutong Macau. And one or two people etcetera, pero I didn’t even know what lutong Macau means. And then afterwards, after I won Miss Universe nag-faint nga sila,” pagbabalik-tanaw ni Gloria.
“Ang puno nagbubunga siyempre babatuhin nila yan. But just do your best, enjoy, and just pretend they don’t exist,” dagdag pa ni Gloria.
Sa nasabing ring interview, nagsalita si Gloria sa transwomen competing in the Miss Universe pageant. Inulit ang nabanggit na hindi siya pabor dito.
“I always feel that they have to join their own competition, kasi baka matalo kami mga babae. Kasi, maraming mga male turned female na super ganda. People don’t realize how close I am to LGBTQIA+. They don’t realize that I love them,” ayon pa kay Gloria.
- Latest
