Concert ni Toni, naging maingay!

Laman ng balita at social media nitong nakaraang araw ang katatapos na concert ni Toni Gonzaga sa Araneta Coliseum.

Sold out? Flop? Hindi puno ang Araneta?

Sa may galit kay Toni, flop! May memes pa sila ng buong Araneta na kita ang maraming bakanteng upuan, huh!

Sa may gusto kay Toni, siyempre, pabor ang shots ng audience sa Big Dome upang ipakita na maraming tao!

Sa in between, look and see na lang sila kung tagumpay si Toni sa birthday-cum-anniversary concert niya. Tiklop ang bibig nila pagkomento!

At least, Gonzaga muli ang napag-usapan ng mga tao at netizens pagkatapos ng cake issue ng sister niyang si Alex. Whether you like the Gonzaga sisters or not, pinag-uusapan pa rin sila ng public at netizens, huh!

Boy, simulcast ang Fast Talk sa AM radio

Simulcast sa AM radio ng GMA Network na DZBB ang talk show ni Boy Abunda na Fast Talk With Boy Abunda na magsisimula bukas, Lunes, 4:05 p.m., hanggang Biyernes.

Kaya naman nabago rin ang oras ng mga programa sa DZBB lalo na ang 4 p.m. news nito na ginawang 3:30 p.m..

Todo promote ang GMA sa pagbabalik ng King of Talk sa Kapuso Network kung saan siya unang nagsimula bago pinirata ng Channel 2.

Siyempre pa, Kapuso stars ang madalas na maisasalang sa Fast Talk at sa nakuha naming impormasyon, ang GMA Primetime Queen na si Marian Rivera ang unang isasalang sa Hot Seat ni Kuya Boy!

Congratulations, Boy