Picture laging dala, Rabiya tuloy ang paghahanap sa ama!  

Umaasa pa rin daw si Miss Universe Philippines 2020 Rabiya Mateo na makikita niya ang kanyang biological father.

Isang Indian national ang ama ni Rabiya na ang pangalan ay Syed Mohammed Abdullah Moqueet Irfan Hashmi at doktor ito sa Chicago, Illinois, USA.

Sey ng isa sa host ng TicktoClock na wala raw siyang galit dito kahit na iniwan silang mag-ina noong bata pa siya sa Iloilo. Pero nais daw niyang mahanap ito para makilala. Ayaw daw niyang magsisi na hindi niya ginawang hanapin ito.

“My dad is always a part of me kahit hindi ako lumaki na kasama siya. He’s always been a source of inspiration, na gagalingan ko, na pagbubutihan ko para ‘pag nakita niya ako, sasabihin niya na, ‘Yang anak ko kahit pinabayaan ko ‘yan, she turned out to do well sa buhay. Mahal ko talaga ‘yung daddy ko, I really love him. Probably it’s also the daddy issues ‘no, that’s why. Pero overall, wala akong bitterness sa heart ko towards him.

“Kasi I know kahit masakit na iniwan niya kami, may rason siya at actually, hindi ko na nga kailangang marinig ang rason na ‘yun. ‘Yung gusto ko lang malaman na okay siya, safe siya at kung kailangan niya ako bilang anak, I’m gonna be there to serve him.”

Lagi raw niyang dala-dala ang litrato na kasama ang ama noong sanggol pa siya. Kaya malaya raw ang kanyang ama na padalhan siya ng mensahe kung gusto nito.

“In my heart, alam ko na magkikita kami ng dad ko someday, somehow. I know, I know in my heart. And ‘pag nangyari ‘yon, wala talagang bitterness in my heart. Like yayakapin ko lang talaga siya and mamahalin ko ang tatay ko nang buong buo.

“If somebody knows Syed Mohammed Abdullah Moqueet Hashmi from Chicago, you have a daughter here in the Philippines, my name is Rabiya, you named me. I hope that you are okay, I hope that you are doing very well. If you need somebody, daddy, if you need me, I’m just here. I’m waiting for you.”

May special award pa, Beatrice nagtapos na sa kolehiyo!

Proud college graduate na si Miss Universe Philippines 2021 Beatrice Luigi Gomez. Natapos na rin ng beauty queen ang kanyang kursong mass communication mula sa University of San Jose-Recoletos in Cebu.

Sa naganap na graduation nila, binigyan pa ng special award si Beatrice bilang Most Outstanding Graduate ng kanyang batch.

Wala namang kukuwestiyon sa special award na ito ni Beatrice dahil umabot siya sa Top 5 finalists sa Miss Universe 2021.

Kahit na naging sobrang abala si Beatrice sa ilang events ng Miss Universe Philippines, hindi niya pinabayaan ang kanyang pag-aaral at proud siya sa pagtatapos niya.

Post ni Beatrice sa kanyang Instagram: “Explore this earth not seeking paths but instead making your own… After years of attempting to get my degree in Mass Communication I finally completed my program, finishing as the Most Outstanding graduate of our batch. From winning Binibining Cebu in 2020, to completing my Basic Citizen Military Training, winning Miss Universe Philippines, finishing Top 5 at the 70th Miss Universe competition in Israel in 2021, to finally getting my degree yesterday, it’s been years of achieving milestone after milestone. Looking back I can never believe how I made it way past every challenge. God walked me through each and every step without a doubt and I have faith that if it was possible for me then it is for you too. Until my next milestone… a Jaguar continues to move forward. Adelante (forward)!”

Crazy Rich Asian, umaming gusto noong mag-suicide

Inamin ng bida ng Crazy Rich Asians na si Constance Wu na tinangka niyang mag-suicide three years ago dahil sa pagkuyog sa kanya sa social media.

Nakaranasan ng matinding bashing at online shaming si Wu on Twitter noong mag-post siya ng remark tungkol sa pinagbidahan niyang sitcom na Fresh Off The Boat noong 2019.

“I started feeling like I didn’t even deserve to live anymore. That I was a disgrace to AsAms (Asian-Americans) and they’d be better off without me. Luckily, a friend found me and rushed me to the ER,” kuwento pa ni Wu na hindi na dinetalye ang kanyang suicide attempt.

Noong maka-recover si Wu, iniwan niya pansamantala ang social media para maayos ang kanyang mental health.

 “AsAms don’t talk about mental health enough. While we’re quick to celebrate representation wins, there’s a lot of avoidance around the more uncomfortable issues within our community. Even though I’m scared, I’ve decided that I owe it to the me-of-3-years-ago to be brave and share my story so that it might help someone with theirs,” pahayag pa ni Wu.

Inamin ni Wu na naging iresponsable siya sa pag-tweet at lumabas tuloy na ingrata siya sa mga taong tumulong sa kanyang career.