Malacañang may nilinaw sa appointment ni Tirso Cruz, Lala Sotto bagong MTRCB chair!
May paglilinaw na inilabas ang Malacañang kaugnay sa babakantehing posisyon ni Film Development Council of the Philippines (FDCP) Chairperson Liza Diño kung saan ay nanumpa na papalit ang beteranong aktor na si Tirso Cruz III sa Malacañang noong nakaraang Martes.
Pero ayon sa paglilinaw, holdover capacity pa rin si Chair Liza kaya pending muna ang appointment ni Tirso.
Ayon sa pahayag ni Press Secretary Trixie Cruz-Angeles kahapon.
“I had earlier mentioned that she might fall under MC 1. However upon clarification with Ms. Diño, the circumstances are as follows:
“Under RA 9167 the chairman and CEO has a term of three years, unless removed by the President.
“Ms. Diño was reappointed by President Duterte and was serving a second term when President Ferdinand Marcos Jr. exercised his power to remove the current chair and appoint a new one.
“However, while Mr. Tirso Cruz III’s documents are pending, Ms. Diño remains in a holdover capacity.”
Agad namang nagpasalamat si Chair Liza sa nasabing klaripikasyon.
Marami nang lumabas na chikang naghahanda na ang grupo ni Mr. Tirso sa pag-upo sa FDCP at diumano’y kasama ni Sen. Jinggoy Estrada at Direk Joey Reyes sa naghahanda para rito.
Samantala, si Lala Sotto-Antonio naman ang opisyal na uupong chairperson ng Movie and Television Review and Classification (MTRCB).
Nauna nang napaulat na si Johnny Revilla na nanumpa rin sa Malacañang kasabay ni Tirso Cruz ang magiging chairman ng nasabing ahensiya, pero Board Member lang daw ito.
Julia, todo shopping sa Thailand
“Shopping is her cardio,” chika ni Gerald Anderson sa photo ng girlfriend niyang si Julia Barretto habang nasa isang mall sa Bangkok at hawak ang paper bag ng isang luxury brand.
Kasalukuyang nasa Thailand ang magkarelasyon at nagbabakasyon.
Ang dami nilang post ng mga street food na masasarap sa Bangkok.
Kasalukuyan ding nasa bangkok sina Bea Alonzo and Dominic Roque at namamasyal pero may sino-shoot din daw na endorsement ang Kapuso actress na naka-one year na sa GMA kaya’t hinihintay na kung kailan ba talaga maipalalabas ang kanyang first teleserye na Start-Up PH.
- Latest
