Ken, proud sa pagbubuntis ni Rita!   

Matapos ang pregnancy announcement ni Rita Daniela last Sunday sa All-Out-Sundays, nagbigay ng message of support sa kanya at sa magiging anak ang ka-loveteam niya na si Ken Chan.

Ayon sa aktor, nandito lang siya parati bilang kaibigan if ever na kailangan siya ni Rita.

“To you and your baby,

“Miracles are worth their weight in gold, if not many times more. I’m here if you need anything at all, as a friend, as someone you can always rely on. I pray to God for the utmost positivity, protection, support and love to surround you and your baby.

“As a friend, as someone who cares, I’ll always be here for you no matter what,” bahagi ng madamdaming mensahe ni Ken para sa ka-lovetean.

Ipinahayag din ng aktor na proud siya para kay Rita.

“You’ve always been incredible and strong, and certainly, You. You’ve got this, and without a doubt, you will only continue on to be that much more incredible, always.

“I am so proud of you @missritadaniela,” ang pagtatapos ng mensahe ni Ken.

Sa comment section ay masayang malungkot ang RitKen fans at marami sa kanila ang nagsabing naiiyak sila.

Cristine, inaral ang pag-ikot ng mata ni Sen. Imee

Inamin ni Cristine Reyes na malaking pressure sa kanya na gumanap bilang si Sen. Imee Marcos sa pelikulang Maid In Malacañang na ididirek ni Darryl Yap mula sa Viva Films.

“Ang laki ng pressure,” ani Cristine sa virtual mediacon na ginanap recently, “parang ito ‘yung project ko na mabigat. Ang bigat ng bitbit ko at nu’ng binasa ko ‘yung script talagang minamadali ko ‘yung handler ko, ‘please, please ibigay n’yo na ang script sa akin kasi hindi biro ‘tong gagawin ko, eh.”

Kwento pa ng aktres, pati raw ang pag-ikot ng mata ni Sen. Imee ay pinag-aaralan niya gayundin kung paano ito magsalita.

“Gusto ko talagang ma-settle na ito at nu’ng na-meet ko si Senator Imee Marcos talagang tahimik lang ako. Pinagmamasdan ko siya bawa’t kilos niya, bawa’t salita niya paano ba siya ‘yung rolling ‘yung ng eyes niya, ‘ay meron din pala siyang ganu’n,’ okay gagawin ko ‘yun.

“As in like very observant ako kasi siya ‘yung gagampanan ko, eh, very challenging for me, super challenging,” she said.

Ididirihe ni Darryl Yap ang Maid in Malacañang na ipalalabas na sa July 20 tentatively sa Vivamax pero pinag-uusapan pa kung ipalalabas din nila ito sa sinehan.