Sid, nami-miss maging bida

“Baliw” ang description ni Sid Lucero sa role niyang si Mark Santiaguel, ang kontrabida sa GMA Afternoon Prime na The Fake Life na premiere na this Monday, June 6, 4:15 p.m., sa GMA 7.

Dagdag na description ni Sid sa kanyang character as “very self centered, very selfish, arrogant at hindi tumitigil hangga’t hindi nakukuha ang gusto.” May magandang qualities naman daw ang karakter niya, pero ang kasamaan lang nito ang tiyak na mapapansin ng viewers.

Very physical daw ang atake niya sa mga role niya, he uses a lot of his voice, kaya nahihirapan siya. Pero dahil magaling na aktor si Sid, nagagam­panan niya nang maayos ang mga role na ibinibigay sa kanya.

Nami-miss din ni Sid gumanap na bida, iba raw ang feeling kapag hindi nagagalit sa kanya ang audience o viewers. Kaya lang, kung pamimi­liin, mas gusto ng aktor na gumanap sa antangonist roles dahil less ang demands.

Sa The Fake Life, guguluhin ni Sid bilang si Mark ang relasyon nina Cindy (Beauty Gonzalez) at Onats (Ariel Rivera). Si Adolf Alix, Jr., ang director ng Afternoon Prime.

Dating Miss International, ayaw mag-apply

Uso rin sa mga shala (sosyal) at beauty queens ang mag-shade sa mga taong hindi nila favorite at hindi nila like. Gaya na lang ni 1970 Miss International Aurora Pijuan na nag-tweet na marami ang nag-react.

Sabi nito, “I don’t want to send cv. It may be more impressive than the President-elect and sibling. I don’t want to embarrass them.”

Reaction ito ni Ms. Aurora sa post ng office ni Bongbong Marcos na guidelines ng mga gustong mag-apply ng trabaho. Nakasulat sa guidelines ang mga kailangan at dapat i-submit at kung saan isa-submit.

Alam naman natin lahat kung bakit ganun ang reaction ni Ms. Pijuan at sigurado namang hindi sasagutin ng kampo ni Bongbong at ni Sen. Imee Marcos, kaya maki-Marites na lang tayo.

Solenn, gumawa ng sariling show

Siguradong magiging hit ang online show ni Solenn Heussaff called Lost in the Sos to be launched soon sa kanyang YouTube channel. Ise-share ni Solenn sa kanyang online show ang things she enjoys doing, people she loves kasama siyempre ang asawang si Nico Bolzico at ang anak nilang si Tili.

Sabi nito, “You all know i love to cook but I am not a chef, I love to drink (a little too much) but I’m not a bartender, I love to entertain but I am no perfect hostess, I love to do many things because I believe life is all about learning new skills, being passionate, and sharing what you can! So I give you ‘Lost in the Sos,’ a show where I share what I enjoy doing, the people I love and little hacks... and more. “