Coaches ni Kylie, gold medalists na
Astig ang naging coach ni Kylie Padilla sa billiard para sa role niya sa coming Kapuso series niyang Bolera.
Nanalo ng gold sa billiards sa South East Asian Games sa Hanoi, Vietnam ang naging coaches ni Kylie na sina Rubilen Amit at Johann Chua.
Bahagi ng congratulatory message ng Kapuso actress sa dalawa, “I’m so proud na estudyante nyo ako. Alam ko naman na kaya nyo ‘yan at mananalo kayo so hindi na ako nagulat. Pero congrats pa rin. Congratulations sa gold nyo!”
Si Rubilen ang naging script consultant ng upcoming sports drama habang si Johann ang naging tutor ni Kylie sa billiards.
BV ng DongYan, winner
Panalung-panalo sa ratings ang pilot episode ng Jose and Maria’s Bonggang Villa nina Dingdong Dantes at Marian Rivera.
Hindi nagkamali ang mag-asawa na gawin ang dream project nilang sitcom. Eh sa sitcom, maning-mani para sa mag-asawa ang patawanin ang mga manonood.
Likas man kay Marian ang magpatawa nang gawin ang Color of Money sa GMA, makikita namang nakakasabay na si Dong sa kakikayan at kabaliwang ginagawa ni Yan sa sitcom, huh!
Naku, mas marami pang aabangang kakakilig, nakakiliti at nakakatawang eksena sina Dong at Yan sa susunod na episodes, huh!
- Latest
