Bea Rose, mahirap ang pinagdaanan sa kidney transplant  

Unti-unti nang nakaka-recover mula sa kanyang pi­nagdaanang kidney transplant si Miss International 2013 Bea Rose Santiago.

Sa Canada na naka-base si Bea at doon siya nagpapa-dialysis hanggang sa magkaroon siya ng kidney donor at iyon ay ang kanyang kapatid.

Ayon sa former beauty queen, hindi raw madali ang pinagdaanan niyang operasyon at kinailangan daw niyang tiisin ang physical pain pagkatapos ng transplant. Nakadagdag pa raw sa kanyang pag-aalala nang pumanaw ang kanyang roommate sa ospital. Nasaksihan pa raw niya kung paano sinubukang i-revive ito.

“During my hospital stay not only was I in pain from the transplant, I also went through the trauma of CODE BLUE roommate witnessed her being resuscitated for 30mins straight and a COVID-19 scare. I didnt see my family for a few days. Losing my hospital friend taught me life is short and too precious to waste time. Say I love you’s, hug tightly and kiss passionately,” sey ni Bea.

Taong 2018 nang ma-diagnose si Bea with chronic kidney disease. Limang beses sa isang linggo siyang nagpapa-dialysis habang naghihintay siya ng kidney donor. “It’s either you get better, or you get bitter. It’s really that simple. You have to take what life has been dealt to you and allow it to make you a better person, better version of yourself, or it will consume you. I don’t want my pain to make me a victim. I want my story, my battle, to make me someone else’s inspiration,” pahayag pa niya.

Nagbigay babala si Bea na konsultahin muna ang kanilang doktor bago sumubok ng mga diet at pre-workout drinks at ang paggawa ng mabibigat na exercises dahil naging cause ang mga ito sa pagkakaroon niya ng sakit sa kidney.

Rocco at Melissa, pinagpustahan ang anak

Pagkatapos na i-announce na magkakaroon na sila ng baby, nagkaroon naman ng pustahan ang mag-asawang Rocco Nacino at Melissa Gohing kung ano ang magiging gender ng first baby nila.

Pakiramdam ni Rocco ay babae ang magiging panganay nila ni Melissa.

“Nagpustahan na nga kami, hindi lang wish. Nagpustahan kami kung boy or girl. I think si Baby Nacino ay girl, si Melissa feeling n’ya boy,” sey ni Rocco.

Dahil si Melissa ang magbubuntis, nakikita na raw niya ang signs na lalake ang magiging anak nila.

“Kasi ‘di ba hindi ako palaging palaayos before. Tapos nagmamanas ako. Sabi nila ‘pag boy ‘di ba mas manas ka. Tapos ‘yung signs na mangingitim daw ‘yung kili-kili, leeg, boy daw. Parang lahat ng signs na ‘yun mayroon ako. So fee­ling ko boy.

“’Yung funny na pustahan is that ‘yung dad niya pinusta boy raw. Tapos kapag hindi raw boy siya raw magko-cover ng expenses ng panganganak ko,” natatawang kuwento ni Melissa.

Maging boy or girl ang kanilang baby, may napili na raw silang pangalan.

Sey ni Rocco: “May mga naka-save na. And we look for names na malapit sa word na faith and kindness kasi there were struggles for us kaya noong talagang pinanindigan namin ‘yung faith namin doon kami nagkaroon ng blessings. So we want to associate our babies’ name with faith.”

Nick Jonas at Priyanka Chopra, nakapiling na ang premature baby

After 100 days ay nakasama na ng mag-asawang Nick Jonas at Priyanka Chopra ang kanilang baby girl na si Malti Marie Chopra Jonas.

Na-share na sa Instagram accounts ng mag-asawa ang first photo ni Baby M. Nataon pa raw na Mother’s Day noong mapiing na nila ang kanilang anak na sinilang via surrogacy.

100 days kasing nasa NICU or Newborn Intensive Care Unit si Baby M dahil sinilang ito na premature noong Jan. 15.

Pahayag ni Nick: “On this Mother’s Day we can’t help but reflect on these last few months and the rollercoaster we’ve been on, which we now know, so many people have also experienced. After 100 plus days in the NICU, our little girl is finally home. Every family’s journey is unique and requires a certain level of faith, and while ours was a challenging few months, what becomes abundantly clear, in retrospect, is how precious and perfect every moment is. We are overjoyed that our little girl is finally home, and just want to thank every Doctor, nurse and specialist at Rady Children’s La Jolla and Cedar Sinai, Los Angeles, who were there selflessly every step of the way.”

Sa Instagram, ito ang mensahe ni Nick kay Priyanka: “Babe, you inspire me in every way, and you are taking to this new role with such ease and steadiness. I am so grateful to be on this journey with you. You are already an incredible mother. Happy Mother’s Day. I love you.”

Comment naman ni Priyanka: “I love you. There is no one I’d rather do this with than you. Thank you for making me a mama “