Kris na-high blood, nagka-asthma kaya ‘di na naman natuloy   

Hindi natuloy ang pag-alis ni Kris Aquino patungong USA noong Martes. Sinabi niya ito sa Instagram post ni Angel Locsin that same day.

Matatandaang sa USA plano ni Kris magpagamot para sa kanyang autoimmune disease at isang taon silang mamalagi roon ng kanyang dalawang anak na sina Bimby and Joshua.

Ayon kay Kris, hindi raw siya binigyan ng clearance ng kanyang doktor to travel dahil sa kanyang blood pressure.

“Gel, ikaw kasi, last night sinabi mo na “sana hindi ka pa makatuloy, Ate…” I said, “Gel please don’t be mean, you know kailangan na talaga” then you said : “sorry Ate, selfish ako, di pa ko ready mag let go.”

“Grabe your gift of i don’t know if premonition or pang-awat, true enough nasa airport na si kuya josh, bimb, and Rochelle. My doctors didn’t clear me to travel 140/92 waking BP, 136/93 pa rin until now… hindi ko kakayanin yung long haul flight,” sabi ni Kris kay Angel sa IG comment niya.

Binanggit din niya na nagkaroon pa siya ng asthma attack at hinilingan si Angel na dalawin siya.

“Nag asthma attack last night, more than 6 weeks of chronic sinusitis, na lang sobra sobra ang pagka bilib at pag love ko sa yo. But please makakadalaw ka naman diba?” ani Kris.

Sumagot naman si Angel ng “omg ate sorry! Nandito pa ako sa Cebu ate! Visit kita agad.”

Robin, suportado ang Tupad...

Isa si Robin Padilla sa mga artistang sumusuporta kay 1st nominee Venus Emperado ng ipaTUPAD for Workers, Inc. Partylist.

Sa tsikahan with the entertainment press last Tuesday, puring-puri ni Venus ang kabutihan at kabaitan ng action star. Bukod kay Binoe, suportado rin sila nina Eric Quizon, at Coleen Garcia gayundin nina Pangulong Duterte, dating governor Chavit Singson at marami pang iba.

Samantala dating kasapi si Emperado ng programang Tupad ng DOLE na ang layon ay tumulong sa mga manggagawa.