DongYan, level up sa comeback
Opisyal na ang TV comeback ng royal couple ng GMA na sina Dingdong Dantes at Marian Rivera.
Dumalo sina Dong at Yan sa contract signing kasama ang GMA Network at APT Entertainment executives kamakailan sa Luxent Hotel.
Bahagi ng pahayag ni Dong sa contract signing, “Na-realize namin na naging tahahan namin ang GMA for the past two decades at forever grateful kami sa tiwalang ibinigay ninyo sa amin.
“It was because of GMA kaya nakilala ko ang aking napangasawa at dahil dun, nagtayo kami ng sarili naming tahanan at doon nagmula ang idea na mag-shoot kami ng small videos sa bahay na ang title ay Jose at Maria.
“Doon ko na-realize na ang sarap palang katrabaho ni Marian na sobrang professional at sobrang galing at kahit sa mini-videos na ‘yon ay ganun na rin ang kanyang dedication.
“Kaya sabi namin, we want to bring this sa next level. That’s where APT comes in na nagtiwala sa amin at sa concept na puwede naming gawin.”
“Isa ito sa pinapangarap namin lalo na sa akin kasi ang tagal ko nang hindi lumalabas sa primetime, hindi ako makapaniwala na totoo na ito. Bonus pa na si Dong ang kasama ko. Kaya sa mga taong nagmamahal at naghihintay, malapit na po ninyong mapanood ang Bongga Villa nina Jose at Maria!,” sey naman ni Yan.
May 14 na ang pilot telecast ng Jose and Maria’s Bongga Villa kaya humandang tumawa at makilig sa Team Rivera-Dantes!
May cameo role kaya ang mga anak nilang sina Zia at Sixto? Abangan!
- Latest
