Andi at Philmar, may sariling surf school na   

Ibinalita ni Andi Eigenmann na magbubukas sila ng partner na si Philmar Alipayo ng negos­yo sa Siargao.

“He’s been dreaming of putting up a surf school and a surf shop and ngayon nag partner-up na siya with Mang Carding of Kanaway Surf School so they are going to reopen Kanaway together this time and prepare the shop in time for you guys this summer. So by Holy Week, you can book your surf lessons and surf guiding,” ang pagbahabagi ni Andi sa kanyang latest YouTube vlog.

Ayon pa kay Andi, malaking tulong daw ang bubuksang surf school sa surf intstructors sa Siargao.

“It will be obviously such great help to surf instructors here kasi ‘yan ang source ng livelihood ng karamihan dito (ang) tourism,” sey ng aktres.

Magbubukas din daw sila ng snack bar na katabi naman ng surf school.

“And katabi naman ang Kanaway Surf School dito sa Katangnan is going to be... Kanaway Snack Bar so you can have your pre and post snacks and palamigs there at our snack bar opening very soon,” she said.

Noong last week of March ay nakabalik na sina Andi and family sa Siargao matapos nga silang pansamantalang lumisan doon dahil sa bagyong Odette.

Robin, nakikisakay lang sa float ni Jinggoy

Pati kami ay nakaramdam ng awa kay Robin Padilla sa ikinuwento ng asawa niyang si Mariel Rodriguez sa vlog ni Ogie Diaz.

Tumatakbong Senador si Binoe ngayong Halalan 2022 at inamin ni Mariel na wala talaga silang budget para sa kampanya. Napaiyak ang dating TV host nang ikuwento niya na nakikisakay lang daw ang kanyang asawa sa float ni Jinggoy Estrada dahil wala itong sariling float.

“Na-touch ako ‘pag kung minsan, pupunta siya sa mga rally kasi wala siyang float, nakiki-float lang siya. Nag-float siya kay Jinggoy (Estrada). Tapos, alam mo ginawa ni Robin, sinuot niya ‘yung t-shirt ni Jinggoy at saka ‘yung cap ni Jinggoy.

“Eh tumatakbo rin siya as Senator. Pero ganu’n siya kabait. Siya pa nagte-thank you kay Jinggoy kasi pinasakay siya ni Jinggoy du’n sa float niya. Kasi wala siyang sariling float,” emosyonal na kwento ni Mariel.

Bagama’t alam daw naman niya na matagal nang kaibigan ni Robin si Jinggoy, nagulat pa rin daw siya na makitang ang ipinamimigay ng asawa niya ay hindi  T-shirt nito kundi kay Jinggoy gayung pareho silang tumatakbong Senador.

“Yeah, ‘yung pinamimigay niyang t-shirts, hindi kanya. Sabi ko, ‘eh bakit ka nandiyan?’ Alam mo ‘yun? Nandu’n siya para mag-promote kay Jinggoy. Oo, ganu’n. Ganu’n siya,” kwento ni Mariel.

Kaya naman daw sobrang proud na proud siya kay Robin at kahit ano raw talaga ang mangyari, mananatili siyang nasa likod nito.

“We love you, we are so, so, so, so proud of you and we are behind you all the way, no matter what. Matalo, manalo, hindi kami mapapahiya. Alam mo ‘yun?

“Kung matalo, it wasn’t meant to be for us. That’s okay. Alam mo ‘yun? We’ll continue. That’s okay.

“Kung manalo siya, we are with you all the way and we are supporting you. Kung anuman ‘yan na kailangan mong gawin para diyan, don’t worry, we will understand,” ang mensahe ni Mariel kay Binoe.