Gina, susubukang maging mabait!   

Muling itsa-challenge ni award-winning director-actress Gina Alajar ang sarili niya ngayong tinanggap niya ang offer ng GMA Network na gumanap ng isang mabait na lola sa Philippine adaptation ng hit Korean drama na Start-Up. Sa interview kay Ms. Gina ng 24 Oras, inamin niyang tiyak na maninibago siya sa bagong character na gagampanan. “Yes, that would be the challenge… because doing villain roles for so long, of course my facial muscles are different, because I always frown, always angry, always irritating,” pahayag ni Ms. Gina. “So ngayon, kailangan ko namang i-exercise ang facial muscles ko para magmukha akong mabait.”

Huling teleseryeng ginawa ni Gina ang Nagbabagang Luha with Glaiza de Castro at Rayver Cruz na talaga namang ubod ng sungit ang kanyang character. Pagkatapos ng said afternoon prime drama, balik-directing na siya sa season 2 ng Prima Donnas.

Glaiza, may extended honeymoon sa lock-in

Na-excite si Glaiza de Castro nang malaman niyang ipalalabas na ang katatapos lamang niyang teleserye sa GMA na False Positive. Instagram caption niya: “Is this real? Is this true??? As in, sa April 25 na nga mapapanood ang False Positive sa @gmanetwork?”  Binanggit ni Glaiza na kasama niya sa serye sina Xian Lim, Herlene Budol, Buboy Villar, Rochelle  Pangilinan, Dominic Roco, Luis Hontiveros, Tonton Gutierrez and Ms. Nova Villa.

Habang naka-lock in taping sina Glaiza sa isang five-star hotel, isinama na niya ang husband niyang si David Rainey at biro niya ay extended honeymoon daw nila iyon since kababalik lamang nila mula sa Ireland at pagkatapos ay nag-report na siya sa lock-in taping ng False Positive.

Dingdong, may partnership sa DFA

Wala ring kapaguran si Dingdong Dantes. Bukod kasi sa kanyang taping ng bago niyang daily show, ang Family Feud, hands-on pa rin siya sa delivery business niyang Dingdong PH. Instagram post ni Dingdong: “ Soon, you can have your passports delivered by Hatid Dingdong and be assured your passport arrives in a safe, courteous and reliable manner.”

Nagkaroon nga ng partnership si Dingdong sa DFA para sa delivery DFA’s ePassport Online Appointment System.

Kaya naman very supportive ang misis niya, si Kapuso Primetime Queen Marian Rivera at nag-comment siya ng “galing! Kaka-proud!!!” Sagot naman ni Dingdong: “@marianrivera mission possible, Mahal!”