Lovi, pangarap sundan ang yapak ni FPJ   

Pangarap din pala ni Lovi Poe na sundan ang yapak ng kanyang yumaong amang si The King of Philippine Movies, Fernando Poe, Jr. pagdating sa pagdidirek at paggawa ng story sa pelikula.

Actually, nagawa na nga ni Lovi ang unang hakbang sa kanyang pangarap dahil ang latest project niya sa Regal Films na Seasons, Reasons and a Lifetime ay ideya at concept niya mismo.

In the future, gusto rin daw niyang makapagdirek ng pelikula.

“I hope. That’s something na, of course, isang pangarap na sana magawa ko in the future. Although I’ll be honest, I’m on the writing side, but siyempre, I believe that writers has a vision din,” ani Lovi nang makapanayam siya ng entertainment press last Friday matapos siyang pumirma ng panibagong movie contract sa Regal Films.

“Siyempre, it goes hand in hand, and hopefully, I’d be given the chance to take that direction, of course. Pero right now, I wanna really build and start from my story concept to writing my own story, and then, let’s see in the future. Hopefully. That’s something I really want to do,” she added.

Natapos nang gawin ni Lovi ang nasabing pelikula kung saan ay first time niyang nakatrabaho si Carlo Aquino. Kinunan ang buong film sa Ilocos at super-excited na nga ang aktres na maipalabas ito.

Samantala, nagbabalik sa Regal Films si Lovi as she signed a new movie contract with the production outfit na siyang unang-una raw nagtiwala sa kanya when she was 14 years old.

“It’s like I’m going back to my roots because Regal Films was the first company that ever gave me a movie contract,” she said.

Sa naturang contract signing ay present din si Miss Roselle Monteverde of Regal Films at ang manager ni Lovi na si Leo Dominguez.

Ana at Kit, hinihintay ang pahayag

Last Friday night ay naglabas ng kanilang 2nd official statement ang Cornerstone Entertainment na management ni Kit Thompson. Ito ay kaugnay pa rin ng diumano’y pananakit ng aktor sa actress-producer girlfriend na si Ana Jalandoni.

Narito ang nakasaad sa pangalawang statement ng management:

“The Cornerstone Management does not condone any act of violence and profoundly value the dignity of women. We take this opportunity to clarify that our earlier statement was issued with no knowledge of any specific details as we were in receipt only of general allegations. Neither were we privy to any photos of the incident.

“In this delicate situation, we subscribe to the sound discretion of law enforcement and allow the wheels of justice to take its course.”

Umaga ng Biyernes nang maglabas ng kanilang unang pahayag ang Cornerstone kung saan ay isinaad nilang hindi pa sila makapagbibigay ng pahayag hinggil sa insidente since hindi pa sila nakakatanggap ng formal report tungkol dito.

Huwebes naman ng gabi nang unang pumutok ang balitang sinaktan at binugbog diumano ni Kit si Ana habang nasa Tagaytay sila.

Ayon sa report ay ni-rescue ng Tagaytay Police si Ana habang si Kit naman ay inaresto at pansamantalang ikinulong for questioning.

Sa ngayon ay hinihintay ng lahat ang pagsasalita ng magkabilang panig although si Ana ay naglabas na ng kanyang paunang pahayag sa Instagram at sinabing magre-release raw siya ng kanyang official statement soon.