Tambalang Dennis at Maja, kuryente!

Kapuso bossing, ayaw makisawsaw kina Tom at Carla!

Nagsalita na ang GMA 7 executive tungkol sa kumakalat na isyung ire-remake nila ang K-drama na Vincenzo starring Song Joong-ki.

Mahirap daw gawin lalo na nga at tungkol ito sa mafia.

“Hirap naman gawin ng Vincenzo. Actually sa totoo lang, gustung-gusto ko siyang gawin but I don’t know lang if it’ll work here because ang ending niyan ano siya ‘di ba Mafs (Mafia). Kumbaga galing siya sa mob, so ano ‘yung hero rito pumapatay sa totoo lang.

“Eventually he really kills and he kills violently, it just starts out ano siya eh ‘di ba may pagka-comedy and everything, but later on an eye for an eye siya eh ‘di ba.

“Although I love that show and we tried actually, we inquired but later on parang naku parang hindi sure, hindi ako sure, hindi kami sure if it will work.

“But we’re on the look out pa rin naman for other K-drama not because nauubusan ng stories to tell but sometimes it’s also nice to recreate something that you love watching on Netflix or on other ‘di ba streaming platforms and to be challenged to do something good as that. So we’re still on the look out,” mahabang paliwanag ni GMA Senior VP for GMA Entertainment Group Lilybeth Gomez-Rasonable sa virtual mediacon the other day, with Joey Abacan, GMA First VP for Program Management and Nessa Valdellon, GMA First VP for Public Affairs.

Kumalat kamailan ang isyung magbibida nga sa local adaptation ng Vincenzo sina Dennis Trillo and Maja Salvador.

Sinagot din nila ang tanong kung threatened ba sila sa pagbubukas ng Advanced Media Broadcasting Corporation (AMBS) ni former Senator Manny Villar.

“Ang dami na naman nating nakalaban ‘di ba. Ang dami na rin naabangan na one way or another na sumubok tumapat sa atin, laro ‘to eh so maglaro tayo nang maayos. So tingnan natin may mananalo, may matatalo pero alam natin that it is going to... I welcome it because you know in a way marami rin namang magtatrabaho ng ibang mga kapatid natin sa industriya ‘di ba. So every time na may sumusulpot na ganyan merong magkakatrabaho. Merong magkakaroon ng programa. And for a lot of people. So masarap ‘yung laro. Masarap yun,” pahayag ni Mr. Joey.

Dagdag naman ni Ms. Lilybeth, “Totoo naman ‘yun na it’s just more work. We’re confident naman because we have good shows, good producers.”

Samantala, ayaw sumawsaw ng GMA executives sa pinagdaraanan ng mag-asawang Tom Rodriguez and Carla Abellana.

Pero pareho raw may project ang ‘mag-asawa’ na hindi pa rin nagsasalita sa dahilan ng diumano’y hiwalayan nila kahit open na si Tom sa mga kaibigan at kasama niya sa trabaho na na-scam ang kanyang life savings.

Happy naman ang GMA executive na si Ms. Nessa sa naging performance sa rating ng pumalit na prog­rama sa Wowowin, ang Dapat Alam Mo! hosted by Kim Atienza, Patricia Tumulak at Emil Sumangil na dating napapanood sa GTV.

Hindi raw nila na-imagine na mangyayari ang ganun lalo na nga at walang sexy ladies na sumasayaw sa programa. “That’s why we’re really proud and happy that it’s rating.”