Aga, naunang inalok sa Quiboloy movie  

Set na nga bang si John Lloyd Cruz ang gaganap ng role ni Pastor Apollo Quiboloy, founder of Kingdom of Jesus Christ?

Magkakaroon daw ang project ng titulong Thy Kingdom Come.

Kay Aga Muhlach, balita namin, unang inialok ang movie project, na ang target shoot sana ay first week ng May.

Their target playdate, sometime in June. Direction: Lester Dimaranan.

Borracho Films would have produced the movie.

Well, Aga is mum about the issue, kung bakit hindi natuloy ang paggawa niya ng project.

Ang alam pa namin, willing ang producer to pay Aga his asking price.

Juz Tesaluna would have been its line producer.

Lovi, may pa-face-to-face event

Star talaga, Salve A., itong si Jun Lalin.

Sa kanya kami nakatanggap, after a long while, ng unang imbitasyon asking us, if we can attend face to face his pa-presscon for Lovi Poe (he didn’t mention the project) sa Regal Valencia.

We had to beg off, though dahil nag-iingat pa rin kami kahit Alert Level 1 na.

Ikaw, Salve A., pumunta ka ba? (Yes po. Ay sayang tita. Nami-miss na kita. Tagal na nating ‘di nagkikita. - Salve)

Loren, may namana sa Lolo

On the other hand, feeling big ako every time nakakatanggap ako ng invitation from the Office of Deputy Speaker at Antique Congresswoman Loren Legarda.

Sosyal ang dating, na kung sabagay, hindi kataka-taka, as journalist muna si Representative Loren, bago niya pinasok ang pulitika.

At apo siya ng publisher at editor ng isa sa dating sikat ding newspaper bago nag-Martial Law.

Meantime, let’s not forget na running for senator si Cong. Loren this election.

Pokwang, gusto pang magkaanak

Feeling on top of the world si Pokwang these days. Hindi man pormal na isinasahimpapawid ang bago niyang programang, Kusina Ni Mamang, pinag-uusapan na ito.

Marami raw kasing pagkain na “isasalang” si Pokwang, which she herself daw ‘created.’ At tiyak, eager ang manonood na ‘matikman.’

No need to tell you, too, na halos si Pokwang ang ‘laman,’ ng TV ngayon dahil sa napapanood natin siya – to cite just two – sa Bubble Gang at Pepito Manaloto: Ang Unang Kuwento.

Higit sa lahat, happy mother si Pokwang, at 51.

Three years old na ang kanyang bunsong si Malia Francine O’Brian, anak niya sa kanyang current American partner, Lee O’ Brian.

Dalaga na ang kanyang panganay na si Ria Mae Subong (real surname ni Pokwang na ang real first name nga pala ay Marietta.)

Isang Japanese raw ang father ni Ria (minsan nabanggit ni Pokwang sa isang interview).

Well, hindi raw magrereklamo si Pokwang kay God, kung masundan pa si Malia Francine.