Na-stress lang daw sa isa’t isa Carlo at Trina, baka magkabalikan pa?!

Ah ang laki nang ipinayat ni Carlo Aquino.

Yup, bumagsak din ang katawan ng aktor.

Nauna nang nagsalita ang live in partner niyang si Trina Candaza na pumayat daw siya kahit ayaw niya dahil sa iba’t ibang rason kasama ang ang stress.

Nagkaroon ng insinuation sa post ni Trina na may ibang babae ang actor.

Pero ayon sa isang malapit sa aktor, walang babae si Carlo.

Actually, naawa nga raw sila kay Carlo dahil malaking adjustments din ang ginagawa nito bilang isang family man.

Ayon pa sa source, baka nga lover’s quarrel lang ang nagaganap or tampuhan lang at baka magkabalikan din naman sila.

Pero ‘yun nga, ang isang sure diumano, walang babae ang actor.

At ang duda nila, baka sa age gap kaya madalas may nagaganap sa kanilang argumento.

Nanatiling nanahimik si Carlo sa mga posting sa social media ng live in partner at mother ng kanyang anak na one-year old na si Mithi.

Kris, mas nagalit daw kay Mel nang bitbitin ang mga branded items na bigay niya?!

Aliw ang chika ng isang source na kaya diumano mas nagalit si Kris Aquino sa ex fiance niyang si Mel Sarmiento ay dahil binitbit diumano nito ang branded shoes / clothes na binili ni Kris.

Hihihi. Yep, ayon nga sa chika, diumano’y lalong naimbyerna si Kris dahil nga dun.

Pero ayaw magbigay ng masyadong details ng nagkuwento.

Basta ‘yun daw, mara­ming nadalang branded brand items si Mel na regalo ni Kris sa ex.

Nanatiling tahimik si Mr. Sarmiento sa mga binunyag sa kanya ni Kris na diumano’y ginamit lang siya nito sa naging relasyon nila.