Alden, may aaminin sa docu concert

Nasorpresa ang fans ni Asia’s Multimedia Star Alden Richards nang mag-post siya sa kanyang Twitter na may coming concert siya: “I am excited to share with you something very close to my heart – a one of a kind concert of who Alden Richards was for the past decade and a whole lot more of Richard Faulkerson Jr., moving forward. #ALDENForwArd”

Ito nga ang Forward: Meet Richard Faulkerson Jr. documentary concert on Jan. 30, 2022. “I’m grateful for the opportunity to produce this concert for the benefit of the AR Foundation, Inc.” dagdag pa ni Alden. “It will be directed by Frank Lloyd Mamaril. Tickets are now available through the Ticket 2 Me website for P1,999 (VIP) and P999 (General Admission).”

Last week, habang naghihintay pa si Alden ng pagsisimula ng lock-in shoot nila ni new Kapuso actress Bea Alonzo ng movie nilang pagtatambalan, ang Pinoy adaptation ng Korean movie na A Moment To Remember, for Viva Films, GMA Pictures at APT Entertainment, sinamantala na niyang gawin ang photo shoots and teasers para sa coming concert niya.

Meanwhile, ang tanong ng fans ni Alden, ito na raw ba ang pangako niyang big reveal na gagawin niya sa personal niya sa 2022?

Mavy, pinapaayos sa panliligaw kay Kyline

Nagsimula nang mapanood sa GMA Telebabad ang romantic-drama series na I Left My Heart in Sorsogon, kaya bukod sa aabangan na first time na pagtatambal nina Heart Evangelista at new Kapuso leading man Richard Yap, ay ang new love team nina Kyline Alcantara at Mavy Legaspi. Matagal na kasing binibiro ang dalawang youngstars simula nang mag-lock-in taping sila sa Sorsogon.

Maraming first para kay Mavy ang serye dahil first time niyang nagkaroon nito in three years na niya sa GMA Network, first time rin niyang napalayo sa kanyang family nang matagal kaya laging umiiyak ang Mommy Carmina (Villarroel) niya tuwing aalis siya for the lock-in taping at first time rin niyang makasama ang co-stars niya, except for Kyline.

“It’s an honor to work with Ate Heart, Kuya Paolo Contis and Kuya Richard,” sabi ni Mavy.  “Si Kuya Richard, friends ko ang mga anak niya kaya kilala ko na siya, pero sa first taping day namin, intimidated ako working with them, but later on, enjoy na ako, dahil parang mga mentor ko na sila sa mga eksena namin.

“As to Kyline, three years na kaming friends since nagkasama kami sa All-Out Sundays at siyempre may feelings na nadi-develop. Basta ang rule naman nina Mama at Papa is, if I’m interested in a girl, dapat iko-court ko talaga nang maayos, so that’s what I’m doing now.”

Ibig sabihin ba, wala namang problema kina Kyline at Mavy kung maging formal na ang kanilang relationship, dahil kita raw ang pagiging close ni Mavy sa parents ni Kyline. No problem din kay Kyline, dahil kilala na siya ni Carmina, since nagkasama sila sa Kambal-Karibal na gumanap siyang anak ni Carmina.

Napapanood ang ILMHIS at 8:00 p.m. after 24 Oras.