John Lloyd, tuloy na sa pagiging Kapuso!

Lamang na lamang si John Lloyd Cruz kay Paulo Avelino na hinuhulaan ng netizens na magbabalik sa showbiz base sa post ng GMA Network.

“Happy to be back!” ang tanging nakalagay sa post ng multi-awarded actor.

Ngayong Martes, Nobyembre 9, ang big reveal sa aktor na ‘yon. Eh matagal nang nabalita ang paggawa ng sitcom sa GMA nang lumutang siya sa isang TV special na hinost ni Willie Revillame.

Pero natigil ang balitang ‘yon. Hanggang sa isang episode ng show ni Willie, muli niyang nabanggit na tuloy ang show ni John Lloyd sa GMA at si direk Bobot Mortiz ang director.

Abangers na lang tayo sa Martes kung si John Lloyd nga ang babalik sa showbiz at sa GMA mapapanood, huh!

Mang Tani, may message kay Kuya Kim

Nagbalik na rin sa 24 Oras si Mang Tani o si Nathaniel Cruz nung Biyernes.

Si Mang Tani ang resident meteorologist at maging sa Unang Hirit ay mainit ang pag-welcome sa kanya.

Nagbakasyon sa Australia si Mang Tani kung saan naka-base ang kanyang pamilya. Sa episode na ‘yon ng  24 Oras, binati rin siya ni Kuya Kim Atienza na mentor ang tawag kay Mang Tani.