Bea, nagaanan kay Alden

Any day now, balitang magsisimula nang mag-shooting sina Bea Alonzo at Alden Richards ng first movie nila together ang Pinoy adaptation ng Korean movie na A Moment To Remember. Tapos na tapos na kasi ni Alden ang taping ng The World Between Us na mapapanood na ang season two nila simula sa Nov. 15. 

Hindi ang movie shoot ang first time na magkakasama sina Bea at Alden, dahil dalawang beses na silang nag-TVC shoot for a shampoo brand kaya may mga nagtanong na kay Bea kung ano ang first impression niya kay Alden? Sinagot ito ng new Kapuso actress sa kanyang YouTube segment #AskBea, “he seemed really nice from the start, he’s very open, wala siyang wall.  Ang gaan!”

Marami na raw nagkuwento sa kanya ng nice things about Alden, like Kathryn Bernardo at Kakai Bautista na nakasama na ni Alden, kaya bago pa man sila mag-start ng totoong trabaho, “I know he’s going to be a good friend of mine.”

Andrea, ‘di makapaniwala na bida sa Argentinian film

Almost 24 hours flight from Manila, Kapuso actress Andrea Torres and her Mom, landed in Argentina, her first time in a South American country. Pumunta sila in Argentina, matapos mai-cast si Andrea sa upcoming Argentinian film, Pasional, where she will take on the role of the lead actress, she is set to portray a tango dancer, na pinag-aralan niya for three days bago siya umalis ng Pilipinas. Si Andrea lamang ang Filipino member of the main cast. “Hindi ako makapaniwala! Napakalaking blessing at napakaganda ng taon na ito for me, in terms of career.  I’m very, very happy lang talaga,” instagram post ni Andrea, while having a welcome dinner with director Luciano Croatto, actor-producer Nicolas Cacciavillan, and producers Alejandra Bustamante and Agustin Varga-Clerico.

Pasional is a movie by Malevo Films and in co-production with GMA Network. It also stars Argentinian actor Marcelo Melingo. Pagkatapos ng shoot nila sa Argentina, dito naman sa Pilipinas itutuloy ang shooting nila.

Tamang-tama naman na tapos na ni Andrea ang taping ng cultural drama series na Legal Wives at nasa last three weeks na lamang sila mapapanood, until Nov. 12, after 24 Oras.

Yasmien, type ang lock-in

Pabor pala si Yasmien Kurdi sa bagong setup ngayon sa taping, ‘yung lock-in taping. Nakita raw niya sa dalawang beses na niyang paggawa ng serye na lock-in taping, na mas focused daw ang buong production team at ang buong cast sa paggawa ng kanilang show. At lahat sila ay nagiging close sa isa’t isa. “Tipid din po sa travel time,” sabi ni Yasmien. “Dati kung every other day ka magti-taping, malaki rin ang naku-consume na oras sa traffic lalo na kung malayo ang location.”

Si Yasmien ay ang eldest sa magkakapatid sa Las Hermanas with Thea Tolentino and Faith da Silva. Napapanood ang Las Hermanas, Mondays to Saturdays, 2:30 p.m. sa GMA 7 after Eat Bulaga.