Glaiza, tumanggap ng award sa Italy!

Kasalukuyang pinapasyalan ng engaged couple na sina Glaiza de Castro at David Rainey ang different places sa Italy para sa kanilang pre-nuptial shoots sa nalalapit nilang wedding. At isa sa napuntahan nila at ipinost ni Glaiza sa Instagram niya ang Como, Italy, the same places kung saan doon nag-shoot ng kanilang first movie ang phenomenal love team nina Alden Richards at Maine Mendoza in 2016, ng Imagine You & Me.  Tamang-tama namang nandoon sina Glaiza nang tawagan siya ng filmmaker-director niyang si Dodo Dayao, ng movie nilang Midnight in A Perfect World dahil ang horror film nila ang nanalo ng Best Film award sa TOHORROR Fantastic Film Festival in Italy. Pinakiusapan ni Direk Dodo na si Glaiza na ang tumanggap ng award nila. Kaya Glaiza took pride in accepting the award and presenting the team behind the critically acclaimed local horror film.

Ang Midnight in a Perfect World ay unang ipinalabas sa QCinema International Film Festival in 2020. Kasama ni Glaiza sa movie sina Jasmine Curtis-Smith, Dino Pastreano and Anthony Falcon, kasama rin nila sina Bing Pimentel and Soliman Cruz.

Heart, walang kapaguran sa pagpapalit ng damit

Sinamantala ni Kapuso actress Heart Evangelista ang last leg ng lock-in ta­ping day nila ng GMA romantic-comedy series na I Left My Heart In Sorsogon para i-vlog ito titled Week in my Life: Shooting I Left My Heart in Sorsogon.

Nakakatuwa lamang si Heart na hindi yata napapagod sa pagpapalit-palit niya ng wardrobe, tuwing matatapos ang isang eksena, na hindi biro iyong inaakyat niyang ilang steps papunta sa room niya, wearing high heels. Isa siyang fashion model sa story na umuwi sa native place niya sa Bicol, at naisuot daw niya ang clothes na bigay sa kanya na hindi niya naisuot dahil sa pandemic. Hindi rin kinalimutang ipakita ni Heart ang two things na lagi niyang dala-dala saan man siya pumunta, ang tiger balm at mosquito repellent, na she cannot live without them. Kasama na rin sa vlog niya ang promo and photo shoots niya with Richard Yap, Paolo Contis, Mavy Legaspi, Kyline Alcantara and others.

Tinapos na nila lahat ang dapat gawin para sa serye dahil malapit nang mapanood sa GMA Telebabad ang romcom series this November 2021.