Albert, iwas sa ugnayan nila ni Faith

Sanay na si Albert Martinez sa intriga sa showbiz kaya hindi naman daw siya apektado sa tsismis na may relasyon sila ng co-star niya sa Las Hermanas na si Faith da Silva.

“I’ve been in this industry since 1981. I’ve been there, done that,” sey ni Albert sa virtual mediacon ng Las Hermanas last Friday.

“I’m not affected at all. It’s show business. Show business is about art, entertainment and that’s part of entertainment. So, it doesn’t bother me,” he added.

Kung natsitsismis man daw sila ni Faith, this means na nagwo-work ang kanilang chemistry. Sa kwento kasi ay magkakagusto siya sa karakter ni Faith.

“It worked for both of us, the chemistry was there, and siguro, I will feel bad if hindi nag-work ‘yung chemistry because that’s my intention – to make sure na maging believable siya sa eyes ng public, maging believable siya du’n sa narrative and it worked.

“And ‘yung sideline na pinag-uusapan nila, it’s just part of the whole thing. But it’s okay. It helped the project and I believe, it’s not that bad at all,” paliwanag ni Albert.

When asked kung open pa ba siya sa posibilidad na magmahal ulit lalo pa nga ngayong may kanya-kanya nang buhay ang kanyang mga anak, ayon kay Albert ay masaya naman daw siya sa kanyang mga apo.

“I’m happy with my grandchildren. Kumbaga, every morning, ‘yan na lang ang kaligayahan ko. That’s why, hindi ako masyadong nahirapan sa lock-in (ta­ping) kasi every morning, ka-chat ko sila.

“But if you’re asking me right now, at my age, I’m still going to the process of losing a loved one, but if for example, in the very near future, I meet someone na kumbaga, will make my heart beat again, why not?” sey ni Albert.

As we all know, matagal nang biyudo si Albert. Her wife, Liezl passed away in 2015 and since then ay nananatili pa ring single ang aktor at wala pang ipinakikilalang bagong pag-ibig.

Samantala, muling nagbabalik sa Kapuso ang magaling na aktor sa seryeng Las Hermanas na magsisimula na sa Oct. 25 sa GMA Afternoon Prime. Sharing Faith in the title role are Yasmien Kurdi and Thea Tolentino. Kasama rin dito sina Jason Abalos, Rita Avila at marami pang iba mula sa direksyon nina Monti Puno Parungao and Patrick Ferrer.

Janine, na-fake news sa ‘Baskil’ 

Nilinaw ni Janine Gutierrez na fake news ang tungkol sa diumano’y isang tweet niya against Bongbong Marcos.

Ang kumalat na tweet umano ni Janine ay ganito ang nakasaad: “Yuck. Baskil. Maraming ninakaw sa bayan, pero dugyot” at may larawan ni BBM.

Ini-retweet ito ni Janine kasabay ang paliwanag na hindi sa kanya galing ang tweet.

“Hey everyone! This is fake. I never tweeted this. Kung kilala niyo ako, hindi ko naman talaga katunog ito. Hindi tayo mababaw. Hindi importante ang itsura o panlabas na anyo ng isang politiko. Dun tayo sa facts lang, lalo na ngayong eleksyon. Mag-iingat sa fake news, guys!” ang pahayag ni Janine.

Naliwanagan naman ang kanyang fans and followers at komento nga nila, ibang klase raw talaga ang husay ng trolls ngayon.