Mariel, sinabing hindi gutom sa pera si Robin!

Labis ang pasasalamat ni Robin Padilla sa pagmamahal at suportang ibinibigay sa kanya ng asawang si Mariel Rodriguez.

In his appreciation post yesterday, sinabi niyang bagama’t binabatikos din siya ng misis, hinding-hindi raw nito mapapayagan na gawin ito sa kanya ng ibang tao.

“Ang pag-ibig ng aking asawa, may sarili siyang isip, lalong may sariling desisyon madalas pinagsasalpukan namin ngunit kailanman sa akin lang kanyang puso. She will fight me and criticize me but she will never let anybody do it to me. family, friend or no friend im untouchable to them,” bahagi ng caption ni Binoe.

“She will always make me feel the queen is playing her chess well in protecting her king. maraming salamat sa ??@marieltpadilla,” pagtatapos ng aktor.

Sumagot naman si Mariel ng “100% for you!!! Kilala kita. I know your heart. I’m so proud of you.” Na sinagot ni Robin ng “I love you babe.”

As we all know ay tatakbong Senador si Binoe ngayong 2022 elections at siyempre ay suportadong-suportado ito ni Mariel at ipinahayag niya rin ito sa kanyang IG post matapos mag-file ng COC (certificate of candidacy) noong Biyernes.

“Robin is not hungry for money or power. He is at a point in his life wherein he just wants to make a difference. Put action to all his complaints. Speak for the muslims. Behind you, beside you and with you all the way @robinhoodpadilla,” mensahe ni Mariel kay Binoe.

Star Awards for Music, handa na

Nakahanda na ang The Philippine Movie Press Club, Inc. sa ganaping 12th Star Awards for Music. Sa kauna-unahang pagkakataon ay virtual ang presentasyon nito ngayong October 10, Linggo, 6pm . Mapapanood ito sa STV at RAD channels.

Sina Congressman Alfred Vargas at Sanya Lopez ang magsisilbing mga host. Performers ay sina Pop Diva Kuh Ledesma, Marion Aunor, Cool Cat Ash at si Mr. Pure Energy Gary Valenciano. Gagawaran ng Pilita Corrales Lifetime Achievement Award si Ms. Kuh Ledesma.

Ang magaling na composer na si Louie Ocampo ang recipient ng Parangal Levi Celerio Lifetime Achievement Award.

Ang 12th Star Awards for Music ay handog ng PMPC sa pangunguna ng Presidente nito na si Roldan Castro at ng Film Development Council of the Philippines ni Chairperson Liza Diño-Seguerra.

Matitindi ang labanan at salpukan ng mga nominado lalo na sa kategoryang Female Concert Performer of the Year na paglalabanan nina Angeline Quinto, Katrina Velarde, Lea Salonga, Moira Dela Torre, Regine Velasquez, Sharon Cuneta at Zsa Zsa Padilla.

Kasabay nito, magbibigay rin ng special awards ang PMPC sa mga taong nasa ibang larangan tulad sa negosyo, public service at entertainment.