Bagong Miss World PH, dalawang beses bumagsak sa stage

Kaloka ang coronation night ng Miss World Philippines na isang Cebuana rin ang nagwagi, si Tracy Maureen Perez, 28 years old. Isa siyang software engineer.

May mga iba na siyang sinalihang pa­geant kabilang ang Miss Universe Philippines last year, pero hanggang top 16 lang ito.

But anyway, dalawang beses bumagsak / natumba ang bagong beauty queen – ang una ay bago ang announcement ng winners at ang pangalawa ay pagkatapos niyang isuot ang korona.

As in, kitang-kita sa mga video na kumalat sa social media ang pagbagsak ni Tracy pero tumayo pa rin at itinuloy ang pagrampa.

Talagang sobrang pagod diumano ang dinanas ng mga kandidata dahil almost seven hours ang nasabing coronation night sa Clark eh wala pa raw halos dinner ang karamihan dahil nga kailangang mag-project sila.

Alfred, all out ang suporta sa kapatid na si PM

Sa Thursday naka-schedule mag-file ng certificate of candidacy si Arjo Atayde na kakandidato for congressman sa District 1 ng Quezon City.

Sa QC District 2 naman kakandidato si Ralph Tulfo (anak ni Raffy Tulfo na tatakbong senador) para rin sa congressional seat.

Nauna na kahapon na nag-file ng COC si PM Vargas na papalit sa iiwang posisyon ni Cong. Alfred Vargas sa District 5 ng QC na last term na at mamamahinga muna sa pulitika. “I am proud of PM. He is a natural when it comes to  connecting with people and he has an instinct for feeling and understanding their needs. Mataas rin ang ‘empathy quotient’ niya. Minana namin kay Mommy,” declares Rep. Alfred.

“His decision to run for a congressional seat made me emotional on so many fronts. Naalala ko si Mommy and how she would have been proud of her youngest son. Public service is one of her legacies which has inspired all her children not only to be of help to the less fortunate and disadvantaged but to effect positive change. Si PM ang isang matibay na sandalan ko sa tatlong termino ko bilang Kongresista. He would support me in all my initiatives no matter how unpopular they may be. ‘Pag kailangan, dapat may pagkilos anuman ang balakid, he would reassure me. Kinausap niya ako bago siya nag-file ng COC. Sabi niya, ‘dapat pang ituloy ang lahat ng iyong ipinaglalaban, Kuya. I understand your cause and vision. And because of that, I will run. Your positive effect on the lives of our ka-distritos has to continue. I will do it for your constituents. You and I owe them that.’ Then I knew, my brother and I are one,” emosyonal na sabi ni  Rep. Alfred, na isang TOYM awardee, a consistent recipient of recognitions and awards on his performance as a congressman, a multi-awarded actor and producer, a family man na super proud brother to PM.

“I am supporting his candidacy because I believe in what he stands for. I’ve known him all his life. We come from the same tree and the fruit never falls far from it. I am proud of PM but I am sure Mom and Dad are even prouder of him.”