Lani, walang sinisisi sa pagkakasakit

Magsisimula na muli ang  musical competition program ng GMA, ang The Clash na nasa fourth season na simula bukas, Oct. 2. Panel Judges pa rin sina Asia’s Nigthtingale Lani Misalucha, Asia’s Romantic Baladeer Christian Bautista and Comedy Queen AiAi delas Alas.

Last October 2020, halos patapos na ang The Clash 3 nang dapuan ng bacterial meningitis si Lani at husband niyang si Noli Misalucha at isa sa result ng sakit nila ay ang possible hearing loss, hindi balanced ang kanilang pandinig. Pero nanatili ang pananalig ni Lani sa Diyos. “You cannot blame anyone and you cannot even ask God why all of these are happening. May mga dahilan at rason kung bakit namin ito nararanasan. Just rely on God’s purpose for you... use it as something that would make you stronger.”

Nagpapasalamat sila Lani na hanggang ngayon ay nagpapatuloy pa rin sila sa pang-araw-araw na pamumuhay at nakalalakad pa rin sila. “We are grateful every single day of our lives, because we stil have the strength to walk and have this opportunity to work.”

Ang The Clash 4 ay hosted pa rin nina Julie Anne San Jose at Rayver Cruz at Journey hosts naman sina Ken Chan at Rita Daniela, every Saturday 7:15 p.m. at every Sunday, 7:40 p.m. sa GMA 7.

Dina, nakadalaw na sa bagong apo

Malamang tapos na ng kanyang lock-in taping si Kapuso actress Dina Bonnevie ng GMA Primetime series niyang The World Between Us (TWBU) kaya nadalaw na niya ang kanyang bagong apo, si Baby Isaac, ang latest contribution sa fa­mily ng mag-asawang Oyo Boy Sotto at Kristine Hermosa. Isinilang si Baby Isaac last August habang naka-lock-in taping pa si Dina.

Marami nang naiinip sa pagbabalik-airing ng TWBU sa Nov. 15. Papalitan nila ang gabi-gabing pinag-uusapang Legal Wives nina Dennis Trillo, Alice Dixson, Bianca Umali at Andrea Torres.

Ricky Lee, balik-kapuso

Muling bumalik ang award-winning and legen­dary writer Ricky Lee sa GMA Network. Kasama niya ang kanyang talented ensemble of creative and production teams. Magiging Creative Consultant si Ricky ng network, na magpo-provide ng basic and advance workshops sa mga bago at dati nang writers ng Kapuso Network, at will conduct script appreciation workshops for cast members, creative at production people, ng programs na ibibigay sa kanya.

Dati nang ginawa ni Ricky sa network ang telesines and movies tulad ng  Jose Rizal, Muro-Ami, at Death Row ng GMA Films.“It would be nice to work with Dingdong Dantes, Marian Rivera, Jennylyn Mercado, and Alden Richards. Nakatrabaho ko na before si Dennis Trillo, pero gusto ko pa rin siya mu­ling makatrabaho, at nandyan na rin si Bea Alonzo.”

Kung sakaling payagan siyang gumawa ng TV adaptation ng movie, gusto niyang i-remake ang Salome at si Bianca Umali ang napipili niyang gumanap. “I saw her in Legal Wives and I thought she was very good.”