Beauty, rumampa na sa Paris
Nagsimula nang mapanood ang new Kapuso actress na si Beauty Gonzalez sa GMA Afternoon Prime romantic-series na Stories of the Heart: Loving Miss Bridgette, katambal ang young Kapuso actor na si Kelvin Miranda. Tapos na ang work kaya heto at nag-post na si Beauty sa kanyang Instagram na rumarampa na sila sa Paris ng daughter niyang si Olivia Crisologo.
Nililibot nila ng anak ang mga magagandang lugar doon tulad ng magagandang churches, chapels, at parks na nag-enjoy nang husto si Olivia, ganoon din ng pagtikim nila ng mga masasarap na pagkain doon.
Kahit nasa Paris, hindi nakalimutan ni Beauty na magpasalamat sa televiewers na nagugustuhan ang story ng kanilang serye: “I’d like to give a big hugs and thanks to all of you, who have already let Bridgette into your homes and into your hearts. Follow her footsteps these five weeks, hold her hands, wipe her tears, tell her everything wlll be ok. And she will be loved.”
Ang Stories of the Heart: Loving Miss Bridgette directed by Adolf Alix, ay napapanood daily after ng Nagbabagang Luha sa GMA 7.
Lani, back to work na!
Back-to-work na muli si Asia’s Nightingale Lani Misalucha, as one of the Panel Judges ng original GMA musical competition na The Clash na nasa fourth season na.
Hindi natapos ni Lani ang work niya sa The Clash 3 at pinalitan muna siya ni Concert Queen Pops Fernandez nang magkasakit. Nagkaroon kasi siya at ang husband niya ng tinatawag na bacterial meningitis, kaya na-confine sila sa ICU ng isang ospital. Nawalan ng balance si Lani at nahirapang makarinig ang isang ear niya.
Magsisimula nang mag-taping ng episodes ng The Clash 4 sina Lani, Asia’s Romantic Balladeer Christian Bautista at Comedy Queen AiAi delas Alas.
Sofia, magpapaka-sirena
Happy si Sofia Pablo na among the Prima Donnas stars na kasama niya sina Jillian Ward at Althea Ablan, siya ang unang mapapanood bago ang pagbabalik ng book two ng kanilang GMA Afternoon Prime.
Gaganap si Sofia na sirena sa second offering ng Regal Studio Presents: Raya Sirena. Na-excite si Sofia nang i-offer sa kanya ang role ng isang sirena sa telemovie collaboration ng GMA Network at Regal Entertainment. Makakatambal ni Sofia ang best friend niyang si Allen Ansay, ang first runner-up ng StarStruck 7. Directed by Easy Ferrer, mapapanood ang weekly anthology on Sunday, Sept.19, 8:30 p.m. sa GMA 7.
- Latest
