Joey, inunahan si Jose Mari Chan

Balik-live muli ang Eat Bulaga kahapon. Nasa Cainta, Rizal kasi ang APT Studios at mahigpit ang protocols bago makapasok kaya safe lahat ang mga kasama sa show. Guest sa episode si Kakai Bautista. Ipinagmalaki niyang bakunada na siya at sumunod sa health protocols.

Samantala, naka-Zoom naman si Joey de Leon na nakagawa at naglapat na naman ng bagong lyrics ng isang Christmas song na akma sa sitwasyon ngayong pandemic!

Kung hindi kami nagkakamali, eh tatlong kanta na ang nalapatan ng bagong lyrics ni Joey, huh! Biro nga niya, mas naunahan pa niyang kumanta ng Christmas song si Jose Mari Chan na sa tuwing papasok lang ang Ber months saka naghuhudyat na malapit na ang Pasko ay lumalabas na!

ECQ, ‘di pa alam ang kapalaran

Lumalabas talaga ang kakulitan ng ilang broadcasters sa tuwing malapit nang matapos ang pinaiiral na community quarantine sa bansa.

Eh lalo na ngayon, hanggang Biyernes ang taning ng ECQ o enhanced community quarantine sa Metro Manila at ibang lugar.

‘Yun nga lang, maiingat ang mga government official sa pagsagot. Pinag-uusapan pa, may meeting pa kami, ang ilan sa copypaste na sagot ng natatanong.

‘Yun at ‘yun din ang sagot sa paulit-ulit na tanong, huh! Walang bago, walang scoop na makuha.

Eh nang may kumalat sa social media na extended na raw hanggang August 30 ang ECQ, agad nagpalabas ng statement ang MMDA Chief na fake news ang lumabas!

Ke anong klaseng quarantine ‘yan, lalabas at lalabas pa rin ang mga tao na naghahanap ng datung!