Klea mahigpit na yakap kay Jak!

Sobra palang protective ang fans nina Jak Roberto at Barbie Forteza na JakBie. Noong lumabas ang ilang publicity photos ni Jak kasama si Klea Pineda para sa episode na Never Ever Say Goodbye ng Stories From The Heart, nagalit ang fans nila ni Barbie at sinabing hindi bagay ipareha si Jak kay Klea.

Ikina-react ng JakBie fans ang pakilig photos nila Jak at Klea. May kuha na nakaangkas si Klea sa motorcycle ni Jak kung saan mahigpit ang yakap nito sa maskuladong katawan ng boyfriend ni Barbie. May isang kuha na parang may binubulong si Klea kay Jak at super ngiti naman si Jak.

Pero siyempre, lahat ng ito ay trabaho lang. Acting lang ito para kina Jak at Klea at walang dapat ikabahala at ikagalit ang mga tagahanga. Alam naman ng lahat na very faithful si Jak kay Barbie at si Klea ay may nababalitang karelasyon na.

Sey pa ng isang netizen: “Jakbie fans should learn to give their idols room to grow outside their personal lives  like @gmadrama’s strong stand to experiment on so called love teams it is based on the story being delivered. Deviating from the cliche.”

Jayda kinilig kay Catriona

Kinilig ang unica hija nina Dingdong Avanzado at Jessa Zaragoza na si Jayda Avanzado dahil sa pagpili sa kanya ni Miss Universe 2018 Catriona Gray na gumanap sa buhay nito kung sakaling magkaroon ng biopic ang beauty queen. 

Sey ni Jayda: “Ako talaga sobrang kinilig ako ng bonggang-bongga noong nakita ko pinost ng ABS-CBN sa Twitter. Tuwang-tuwa ako. Actually minessage ko agad si Ate Cat afterwards at nagpasalamat ako. Kasi napakalaking bagay ‘yon na marinig ‘yon sa kanya, na galing sa kanya. Siguro it’s an honor din to hear that from her na she would want me to play her in a biopic or kung sa ‘MMK’ man ‘yon.”

Nais na rin i-explore ni Jayda ang acting maliban sa kanyang music career.

“Gusto ko po talaga maka-crossover sa multimedia platforms hindi lang po sa music. Kasi over the past few years po talaga, kaya po siguro hindi pa po ako pumapasok sa pag-arte kasi po parang gusto kong i-establish ang sarili ko as a singer-songwriter. Pero ngayon po ay handa na akong sumabak sa acting. 

“At ako po talaga as an artist ang pinakaimportante sa akin ay I can make a connection with as many people as possible at ma-inspire ko ang bawat tao na makakapanood sa akin kahit saan man ‘yon, kahit sa music man ‘yon or sa pelikula,” diin pa ni Jayda.

Ricky Martin, hindi nanahimik sa bashers

Hindi nanahimik ang Latin pop star na si Ricky Martin sa natanggap niyang bashing sa social media kamakailan.

Nakatanggap ng hurtful comments si Ricky nang i-post niya sa Instagram ang photo niya kasama ang kanyang husband na si Jwan Yosef.

Sey ng 49-year old singer: “A week ago, I uploaded some photos with my husband for a special edition of the magazine @ cap74024. It was a wonderful experience for both of us and a way to celebrate our pride. What I did not expect, especially after all the work that has been done for so many years, is that a large number of people decided to stop following us or comment in a derogatory way.

Taong 2010 nang mag-come out na gay si Ricky. Kinasal sila ni Jwan noong 2017 at parents sila to three sons (twins Valentino and Matteo, 12, and Renn, 1,) and one daughter (Lucia, 2).