LJ at Paolo, may kasunduan sa lock-in!
Kapuso pa rin ang award-winning actress na si LJ Reyes. Pumirma ito noong nakaraang Martes ng renewal contract with GMA Artist Center.
Natuwa naman si LJ dahil kahit daw maraming natanggihan na trabaho ito dahil sa pandemic, may tiwala pa rin sa kanya ang big bosses ng Kapuso network.
“Minsan nga nahihiya na ako sa kanila. Tuwing may offer sila sa akin noon, tumatanggi ako kasi nga may takot pa rin ako sa paligid natin. Tsaka may mga bata sa bahay namin, ayokong magkasakit sila kapag lumabas ako to work. Pero nakakatuwang isipin na binibigyan nila ako ng time para makapag-adjust. And that is what I am very thankful for sa GMA,” sey ni LJ.
May usapan nga raw sila ng partner niyang si Paolo Contis na hindi sila magsasabay sa pagtanggap ng teleserye. Kailangan daw may maiwan isa sa kanila para tumingin sa mga bata.
“’Yun naman ang deal namin ni Pao. Like next month, mag-start na si Pao ng lock-in taping niya with Heart Evangelista, matagal din ‘yun, so ako ang nakatoka sa mga bata. Puwede akong tumanggap ng mga virtual guestings habang wala si Pao. Kaya bigayan lang kami kasi wala kaming puwedeng maasahan sa ngayon to look after kina Akio at Summer.”
Na-miss din daw ni LJ ang magteleserye dahil huli pa niyang ginawa ay ang The Cure noong 2018 bago siya nabuntis kay Baby Summer.
Ed Sheeran at BTS, kumpirmado ang collab
Kinumpirma ng English singer na si Ed Sheeran sa Most Requested Live ang kanyang collaboration with the record-smashing Korean group BTS sa song na Make It Right.
Sey ni Sheeran: “I’ve actually worked with BTS on their last record, and I’ve just written a song for their new record. And they’re super, super cool guys as well.”
Kinumpirma naman ito ng music label ng BTS na Big Hit Music sa South Korean: “It is true that Ed Sheeran is participating in BTS’s new song.”
Noong June 28, BTS achieved another record for their music video titled Butter which has surpassed 400-million views on YouTube.
- Latest
