Ika-10 na anibersaryo ng ABS-CBN Film Restoration, ipagdiriwang sa ASAP

MANILA, Philippines — Tiyak na magiging makulay ang inyong weekend dahil sa mga all-star performance mula sa inyong paboritong Kapamilya stars ngayong Pride Sunday (Hunyo 27) sa ASAP Natin ‘To sa Kapamilya Channel, A2Z, at TV5.  

May proudly Pinoy OPM performance na hatid sa inyo ang mga paborito ninyong singer, tulad nina Ogie Alcasid, Erik Santos, Elaine Duran, Nina, Klarisse de Guzman, Lie Reposposa, Jed Madela, Jason Dy, at Concert King Martin Nievera.   

Maki-hataw naman sa SexBomb dance showdown nina AC Bonifacio, Vivoree Esclito, at ASAP dance royalty Kim Chiu. May exciting treats pa sina Janella Salvador, all-girl P-Pop group na BINI, at ang single launch ni Maymay Entrata kasama ang ASAP dance hotties na sina hotties Enchong Dee, Jameson Blake, at Joao Constancia.  

Abangan din ang mga all-star collab sa ASAP stage, tulad ng pure energy performance nina Gary Valenciano, Kyle Echarri, at Asia’s Pop Heartthrob Darren; at ang nag-iinit na pagsasama nina Asia’s Soul Supreme KZ at Asia’s Phoenix Morisette. 

Samantala, patuloy ang show-stopping biritan ng new-gen ASAP divas na sina Elha Nympha, Sheena Belarmino, Zephanie, at Janine Berdin, at maging loud and proud sa pride performance ni Asia’s Songbird Regine Velasquez sa ASAP Transformation.  

Bibigyang pugay naman ng ASAP Natin ‘To ang ika-10 anibersaryo ng ABS-CBN Film Restoration sa paglulunsad ng Nais music video.

Ang Nais ay inawit ni Erik Santos at maririnig na rin sa ASAP stage. Sasamahan si Erik ng world-class OPM stars na sina Ogie Alcasid, Regine Velasquez, Angeline Quinto, Martin Nievera, Gary Valenciano, at Zsa Zsa Padilla.