Kasal nina Ara at Dave, next week na!

Ninang sina Congresswoman Vilma Santos-Recto sa kasal ngayong buwan ni Ara Mina kay Philippine International Trading Corporation (PITC) Undersecretary Dave Almarinez.

Pero wala pang eksaktong date sa impormasyong nakuha namin sa kasal nila. Pero ang lokasyon ng kasal ay sa Baguio City, huh!

Naudlot ang kasal ng dalawa last April nang sumipa ang kaso ng COVID-19 at sa pinairal na enhanced modified community quarantine (MECQ).

Hindi madali ang pinagdaanan nina Dave at Ara at pagtatakda ng kasal dahil kailangan nilang sumunod sa health protocols. Thirty percent lamang ng venue ang pinayagang makadalo sa ceremony.

Bilang tulong naman ng kanyang mga kapatid sa kasal, nag-ambagan daw ang mga ito para sa bridal gown ni Ara na gawa ng pamosong designer sa bansa.

Kapwa hiwalay sa unang nakarelasyon sina Dave at Ara. May anak si Ara sa dating boyfiend na si Bulakan, Bulacan Mayor Patrick Meneses.

Gayunpaman, nagpaaabot pa rin ng late Father’s Day message si Ara sa fiancé.

“Before the day ends, I wanna greet Happy Father’s Day to the man of my heart, love of my life and my soon to be husband @davealmarinez. One day is not enough to honor how special a father you truly are because you’re amazing and incredible dad. I can attest to that. God knows,” bahagi ng mensahe ni Ara kay Dave. Dagdag ng aktres, “I am so grateful to have you in my life Dave and honestly I can’t wait to have our own child. In God’s name. Thank you for all the love you have given to me and to @myamandagabrielle. We’ll always be here for you, my Dave.”

Na-engage sina Ara at Dave last January 12 sa hometown ni Dave sa San Pedro, Laguna. So wala nang kokontrata, huh! Tuloy ang kasal ni Ara kay Dave!