Liza nagpaliwanag sa pagdepensa kay Angel

Kaagad naglabas ng paliwanag si Liza Soberano matapos siyang kuyugin ng bashers dahil sa pagtatanggol niya kay Angel Locsin.

Matatandaang nagpahayag ng suporta at pagdepensa si Liza kay Angel sa nangyaring kaguluhan sa community pantry na itinayo ng huli last Friday kung saan nga ay may namatay na senior citizen.

Sa kanyang social media accounts ay nag-sorry naman agad si Angel at inako ang pagkakamali na sinuportahan ng kanyang fans at kapwa-artista.

Isa nga sa nagbibay ng words of encouragement kay Angel ay si Liza.

“You don’t need to say sorry ate dahil hindi mo naman ginusto ang mga nangyari. We will be praying for tatay’s soul, for his family who is mourning, and for your good health and peace of mind,” ang mensahe ni Darna sa kanyang ate Darna.

Hindi nagustuhan ng netizens ang sinabi ni Liza na hindi dapat mag-sorry si Angel kaya naman kinuyog siya nang bonggang-bongga ng bashers.

Sa pinakabagong tweet ni Liza ay nagbigay siya ng paglilinaw sa kanyang naunang statement.

“Many people misunderstood my comment. I meant don’t say sorry to the people demanding a sorry from her that have nothing to do with the situation. Of course it’s only right and natural for ate Angel to be sorry about the life that was lost.

“It’s just unfair to me that her intentions were twisted and she’s being blamed for the death that she never intended to happen. Sorry if the family affected by this for offended by my comment but this was not for you but the people blaming her,” ang tweet ni Liza.

Mart, gumanap na Victor Wood

Ikinagulat at ikinalungkot ni Mart Escudero ang pagyao ng iconic OPM singer and Jukebox King na si Victor Wood nitong Biyernes, April 23.

Si Mart ang bida sa movie ng life story ni Victor na kasalukuyan nilang sinu-shoot produced by Eagle Broadcasting Corporation (EBC).

Kuwento nga ni Mart, hindi na raw siya nabigyan ng pagkakataon na ma-meet in person si Victor because of the pandemic.

Hindi na nga rin daw nagkaroon ng chance na makadalaw sa set si Victor dahil senior citizen na nga ito at bawal lumabas. Ikinalulungkot din ni Mart na hindi na nahintay pa ng singer na matapos at maipalabas ang sarili nitong life story.

Proud and honored si Mart na gampanan ang karakter ni Victor but at the same time, nang una raw itong i-offer sa kanya ay kinabahan din daw siya.

“Kasi, ano po siya, eh, Jukebox King, napakagaling kumanta. Naisip ko na baka hindi ko kayanin dahil maraming eksena na kakanta, ‘yung mga concerts niya.

“Naging malaking tulong po sa akin sila direk Carlo (Cuevas) kasi hindi naman nila ako pinabayaan. Maganda ‘yung style ng pag-portray kasi lahat ng detalye alam naman po nila. Saka ‘yung boses po, gagamitin ‘yung totoong boses ni Sir Vic,” aniya.

Almost done na raw sila sa shooting ng movie at mga one week na lang daw siguro sila bago matapos. Of course, tuloy na tuloy pa rin ang movie bilang handog na rin nila sa yumaong singer.

Masaya naman si Mart, gayundin ang manager niyang si Becky Aguila na kahit pandemic ay may mga dumarating na projects. Naka-tatlong pelikula na rin daw ang aktor since last year.

Kasama ni Mart sa Jukebox King: The Life Story of Victor Wood ang Kapuso actress na si Kim Rodriguez bilang kanyang leading lady.