Epic ASAP performances nina Lea, Sarah G, at iba pa tuluy-tuloy!
MANILA, Philippines — Patuloy pa rin ang the best-of-the-best world-class Sunday party mula sa inyong inaabangang ASAP idols ngayong summer sa ASAP Natin ‘To, palabas ngayong Linggo (Abril 11) sa Kapamilya Channel, A2Z, at TV5.
The best ang summer party kasama ang mga nagbabagang Kapamilya performer tulad nina Joshua Garcia, Robi Domingo, Kyle Echarri, Darren Espanto, Kyla, Morisette, at marami pang iba.
Ma-in love muli sa kanya-kanyang summer kilig treat nina Daniel Padilla at Kathryn Bernardo. Abangan din ang intense sayawan nina Maymay Entrata, AC Bonifacio, at dance royalty Kim Chiu.
Dodoble pa ang saya sa ASAP stage dahil sa special treat ni Ogie Alcasid bilang Ban Sot Mee at Eydie Waw, kasama ang favorite stars ninyong sina Enchong Dee, Jin Macapagal, Jeremy Glinoga, Aljon Mendoza, Karina Bautista, Vivoree Esclito, at Maymay.
Huwag ding palampasin ang nag-iinit na vocal showdown mula kina Martin Nievera, Nina, Janine Berdin, Sheena, Elha Nympha, vocal trio iDolls, at Zsazsa Padilla. Panoorin ang nag-aapoy na musical performance nina Lea Salonga at ng ASAP balladeers na sina Ogie, Martin, at Erik Santos, pati na ang pasabog na collab nina Popstar Royalty Sarah Geronimo at Asia’s Songbird Regine Velasquez.
Maki-awit din sa uplifting kantahan ni Unkabogable Star Vice Ganda, kasabay ang mga world-class singers tulad nina Gary Valenciano, Ogie, Regine, Zsazsa, Erik, Jona, Jed Madela, KZ, Jason Dy, Nyoy Volante, Angeline Quinto, Martin, at iba pa sa The Greatest Showdown, kasama rin ang kilalang musikero na si Sir Homer Flores.
- Latest
