Heart, ‘di kilala ang isang partner

Excited na sanang bumalik ng Sorsogon City in Bicol ang Queen of Creative Collaborations na si Heart Evangelista, para magsimula ng lock-in taping para sa upcoming Kapuso series na I Left My Heart In Sorsogon, pero hindi siya natuloy dahil nagkaroon muli ng lockdown sa pagbabalik ng ECQ (enhanced community quarantine) sa NCR at apat pang probinsiya sa Luzon.

Year 2017 pa ang huli niyang serye sa GMA, ang My Korean Jagiya.

“I’m very, very excited about my new project, it’s been three years since my last soap so, medyo kailangan ko na rin as an artist, ang some kind of a release,” sabi ni Heart. “Excited ako dahil bago ang leading man ko, ang bagong Kapuso actor na si Richard Yap.  Hindi ko pa siya nami-meet in person o nakakausap, pero may common friends kami and they have really nice things to say about him.  And I’m also excited dahil may isa pa akong magiging second leading man, ‘di ko pa rin siya kilala, pero he has to be equally amazing and talented, dahil parehong mabigat ang characters na gagampanan nila ni Richard.”

KC, nagpasalamat

Hindi pinalampas ni KC Concepcion ang birthday niya at madaling nag-post sa kanyang Instagram ng pasasalamat sa inang si Sharon Cuneta, “La Reina. Thank you for bringing me to the world, raising me and doing the best you could at 19 for your Easter baby! You instilled in me so much about love, work and life.  You made me both strong and vulnerable, independent but sensitive, you’ve made me resilient.

“You always said the best lessons learned in life are learned outside of the 4 walls of the classroom! So true! Thinking of you Mama and love you! #BirthdayAppreciationPost”

Para sa amang si Gabby Concepcion, nag-post lamang si KC ng throwback photo nilang dalawa on the beach sa Anilao, Batangas.

Glaiza, itinuloy ang bakasyon

Nagpasalamat si Kapuso actress Glaiza de Castro na magaling na siya pagkatapos niyang mag-positive sa COVID-19, pero mild lamang ang naramdaman niya habang nasa kanilang vacation house sa Baler, Quezon.  Tuluy-tuloy daw ang check-up sa kanya at nang muli siyang magpa-swab test, negative na ang result nito. 

Hindi rin nagkait si Glaiza na sagutin ang mga tanong ng netizens kung ano ang mga gamot at vitamins na ininom niya para labanan ang COVID-19, kasama na rin ang mga vegetable and fruits, pag-inom ng maraming tubig at pagtulog ng 7 to 8 hours a day.

Tonight mapapanood si Glaiza sa Catch Me Out Philippines at 7:40 p.m. sa GMA 7 as one of the Spotters kasama sina Derrick Monasterio at Kakai Bautista at host Jose Manalo.  Very soon mapapanood na rin si Glaiza sa bago niyang GMA Afternoon Prime drama series na Nagbabagang Luha with Rayver Cruz, after Eat Bulaga.