Pagpapa-sexy ni Lorin, sinita nina Ruffa at Richard!

Lumabas ang pagiging uncle ni ­Richard Gutierrez sa pamangking si Lorin Bektas, anak ng kapatid na si Ruffa Gutierrez nang sabihan si Lorin ng “Cover yourself. I don’t want any of these guys checking you out” dahil sa post ni Lorin na naka-two-piece swimsuit.

“@richardgutz HAHAHAHAHAHA” lang ang sagot ni Lorin sa uncle niya at hindi pa rin dinelete o pinalitan ang pinost na picture.

Si Ruffa naman, “nag shorts ka pa!” ang reaction sa sexy photo ng anak na kinaaliwan ng mga nakabasa dahil lumabas daw ang pagi­ging mother ng aktres. Ikinumpara pa ng ibang netizens si Ruffa sa mom niyang si Annabelle Rama dahil ganu’n din daw si Annabelle sa kanya noong bata pa siya.

Dion at Aileen, kasal na

Ikinasal na pala sina Dion Ignacio at Aileen Sison sa hindi nabanggit na petsa at naganap ang kasal ng dalawa sa Viridis Countryside Garden sa Amadeo, Cavite.

Ang ganda ng caption ni Dion sa photos na kanyang pinost sa Instagram. “Officially married!!! Sa teleserye ko lang nagagawa ‘to ngayon totoo na! At ngayon ay nagsasama na kame ng tama sa mata ng Diyos. Dreams really do come true. Can’t express how happy i am right now, Sobrang saya na may basbas na ni Lord ang aming samahan bilang mag asawa. May He strengthen our relationship and grow forever in faith and love.”

Ang daming nag-congratulate kina Dion at Aileen na may isa nang anak na babae.