Meghan at Prince Harry, inaming ginawan ng fake news ng Buckingham Palace
Nagbayad ng $7 million ang CBS para sa pag-ere nila ng interview ni Oprah Winfrey kina Prince Harry at Meghan Markle. Pero nilinaw ng CBS na walang tinanggap na bayad ang Duke and Duchess of Sussex sa ginawa nilang interview. ‘Yung $7 million ay licensing fee na agreement ng CBS at Harpo Productions ni Oprah.
“As part of the agreement between CBS and Winfrey’s Harpo Productions, the network also obtained rights to license the special abroad. In the United States, the interview is scheduled to air on Sunday, while it will air on ITV in the U.K. on Monday,” ayon sa rep ng CBS.
Wala na raw makakapigil sa mga sagot nina Harry at Meghan dahil they are no longer in the service of the Queen after nilang bitiwan ang kanilang royal duties.
Naisiwalat din ni Meghan na ang fake news sa kanila ni Harry ay gawa lahat ng mga tauhan sa Buckingham Palace.
Sinabi naman ni Harry na naapektuhan ang mental health nila ni Meghan dahil sa pressure ng Palace kaya nagdesisyon silang tumira sa America.
Sophie, takot mag-labor mag-isa
Inamin ni Sophie Albert na kaya gusto na niyang manganak sa baby girl nila ni Vin Abrenica ay dahil hirap siya sa kanyang pagbubuntis.
Nataon pa na may pandemic noong mabuntis siya kaya nahaluan pa raw ng kaba ang nararamdaman niyang hirap. “Naghihintay na lang talaga ko for the birth. I’m so ready na kasi ang hirap na, ang bigat na parang, ugh, I’m over being pregnant. But yeah, I’m excited kasi it’s a new chapter for us and everything happened so fast. There are so many things I went through this pregnancy na hindi ko ever na-experience in my life and I wish I had my girlfriends who I can talk to or kahit man makalabas ako, I couldn’t do that so I was really stuck at home,” sey ni Sophie.
Ang takot daw ni Sophie ay baka mag-isa lang daw siya sa ospital dahil sa mga strict rules sa ospital dahil sa mga sinusunod na health and safety protocols.
“One of the things that worries me the most is, siyempre, gusto ko kasama ko si Vin kapag nanganak ako, to have the support because it’s my first time, I’m a first-time mom. I don’t know what to expect. Many moms labor na mag-isa sila or they give birth na mag-isa so ‘yun ‘yung isa sa mga worries ko.
“We’re not guaranteed that there’s gonna be somebody with us while we give birth. Oh my God, ‘wag naman sana tayo magkaroon ng COVID or anything. It’s really scary.”
Kapuso at Kapamilya stars, pinarangalan sa 2nd Village Pipol Choice Awards
Humakot ng awards ang Kapuso at Kapamilya stars sa 2nd Village Pipol Choice Awards na nagkaroon ng virtual awarding ceremonies noong nakaraang March 6 via Facebook Live. The VP Choice Awards (VPCA) ay award-giving body “which gives recognition to the brightest stars in showbiz, to brands that excel in their industry, and to deserving individuals who show brilliance in their craft.”
Tinanghal na Cover of the Year ang December 2020 Village Pipol cover ni Alden Richards. Nakuha rin ni Alden ang Movie Actor of the Year para sa Hello, Love, Goodbye. Movie Actress of the Year ay ang Fan Girl star at MMFF 2020 best actress na si Charlie Dizon. Si Antoinette Jadaone ang Movie Director of the Year for Fan Girl na tinanghal na Movie of the Year.
Si Jennylyn Mercado naman ang TV Actress of the Year para sa role niya as Dr. Maxine sa Philippine adaptation ng hit Koreanovela na Descendants of the Sun. Ang TV Actor of the Year ay si Xian Lim para sa Love Thy Woman na tinanghal na TV Series of the Year. Ang KyCine loveteam nina Kyle Echarri and Francine Diaz ang Loveteam of the Year. Promising Female Star of the Year din si Francine.
Promising Male Star of the Year ay ang BL series star na si Kokoy de Santos
Ang Prima Donnas teen star na si Sofia Pablo ang tinanghal na Spotlight of the Year dahil sa feature niya sa Village Pipol.
Breakthrough Social Media Star of the Year ay ang sexy star na si Ivana Alawi at YouTuber of the Year ay si Alex Gonzaga. Milyun-milyon ang subscribers ng kanilang YT Channels.
Tiktok Star of the Year naman si Andrea Brillantes.
Si Sarah Geronimo ang Performer of the Year.
TV Male and Female Icon of the Decade ay sina Daniel Padilla at Kathryn Bernardo
TV Station of the Year ay ang ABS-CBN 2.
- Latest
