Juday, nag-viral ang pagmo-motor

Nag-viral ang photos ni Judy Ann Santos riding in a motorcycle at pinost ni Ryan Agoncillo sa kanyang Instagram ang video at very proud si Ryan sa achievement ng asawa. Sa video, maririnig na tinuturuan ni Ryan si Judy Ann kung paano i-guide ang motorsiklo na parang mas malaki sa karaniwang motor.

Sa KDR Adventure Camp na nasa sa Orani, Bataan daw na may extreme ride pumunta sina Ryan at Judy Ann na ang description sa kanyang pagmomotor ay “Best day evah!!! Thank you bub!” Sabi pa ni Judy Ann, “Yesterday was parents day out... and it was soooo fun!! That different kind of adrenalin rush and excitement... para kong bumalik sa pagiging 20’s ko! Thank you my love @ryan_agoncillo for a full day of laughter, adventure and fun! Super worth it yung paggising ko ng masakit ang katawan. Gumising akong nakangiti at ngalay ang buong likod ko. Again, again, again! It was nice seeing you again mars! @suziabrera and tito @paoloabrera!”

Alden, nawalan ng international project

Kahit busy sa mga proyekto sa television and movies, may pinanghihinayangang proyekto si Alden Richards na kaya lang, hindi natuloy dahil sa COVID-19 pandemic. Nakansela ang dapat sana ay first international project niya.

“Medyo matagal ko nang pinapangarap to do an international collab with foreign artists all over the world. Actually, hindi nga nagma-matter sa akin kung taga saan sila. Muntik sana before, may isa. Makaka-hit na sana ‘ko, kaya lang nagka-COVID so na-cancel siya,” kuwento ni Alden.

Hindi na nagbigay ng detalye si Alden kung ano ang nasabing project, kung sino ang kanyang makakasama, kung pelikula ba o series dahil hindi nga natuloy. Pero, umaasa pa rin ang aktor na matutuloy pa rin na makagawa siya ng isang international project this year.

Sa ngayon, naka-focus siya sa pelikulang pagtatambalan nila ni Bea Alonzo.

May nabanggit si Vincent del Rosario ng Viva Films kung ano ang mai-expect ng fans sa Pure Soul ba o A Moment to Remember. Ang script daw ay largely based sa Japanese series, pero ang nuances ng culture ng Pinoy, sineed maigi ng writer para mas ma-appreciate ng local moviegoers.

Excited din si Atty. Annette Gozon-Valdes ng GMA Pictures sa project. Perfect daw kina Bea at Alden ang project dahil magaling umarte ang dalawa. “We are putting our own take on it kasi siyempre Philippine adaptation, gusto natin may ibang ipakita sa audience para talagang uniquely Filipino adaptation.”

Maxine, ‘di takot kay Sanya

Kasama sa cast ng First Yaya ang beauty queen turned actress na si Maxine Medina at hindi siya natakot na gumanap na kontrabida at hindi  takot mamura ng fans ni Sanya Lopez.

Excited pa nga si Maxine sa binanggit na pagiging rookie kontrabida at pinaabangan ang world premiere ng First Yaya sa March 15 na.