Mocha, nagtatago pa rin?!

Marami ang nagtatanong kung nasaan na nga ba si Mocha Uson na napapabalitang nali-link kay Robin Padilla.

Bakit hindi raw lumalabas si Mocha tungkol sa kontrobersyal na katanungan kung nagdadalangtao nga ba talaga siya sa aktor.

Showbiz celebrity din si Mocha kaya marami ang naghahanap sa kanya.

Teka, maitanong nga sa manager niyang si Lito de Guzman kung ano ba ang kasagutan sa katanu­ngang ipinukol kay Mocha ngayon.

Magpapaturok ng mga bakunang galing sa China, inaabangan na

Pulos bakuna ang topic na laging naririnig sa radyo at telebisyon. Wala na raw bang importanteng mapag-usapan lalo na sa ikababangon muli ng dumapang kabuhayan ng mga mamamayan?

 Pulos daw bakuna mula umaga hanggang sa lumubog ang araw.

Well, hanggang ngayon ay pinag-uusapan ang bakuna sa COVID-19 dahil hindi pa rin kumbinsido ang marami sa bakunang galing China na pinagmulan din ng pesteng virus na hanggang ngayon ay marami pang Pinoy ang nahahawa. Higit pa rito ay marami pa ang takot dahil sa nangyari sa Dengvaxia vaccine lalo pa na may mga kumakalat ngayon na pekeng bakuna mula sa China kaya hindi maiwasang mapag-usapan ang tungkol dito.

May mga nagtatanong kung sino raw kaya ang matatapang na pulitiko o government official ang wil­ling na magpaturok sa harap ng publiko. May papayag kaya?

Nasa bansa na ang 600K na vaccine na bigay ng China?

So nasaan na kaya ang inutang ng ating bansa na pambili ng vaccines?