Sarah, pangkabog ang teaser ng film concert
Nangabog sa social media kahapon ang hashtag na #TALATHEFILMCONCERT. Trending ito sa Twitter at siyempre, hit song ni Sarah Geronimo ang Tala kaya na-miss siya ng kanyang fans.
May announcement din kasi si Sarah sa kanyang Instagram kalakip ang tila poster ng concert. Nakasaad sa poster na sa March 27, 2021 ang world premiere nito. Ngayong araw naman available ang tickets. May video teaser pa ito.
Joint venture ito ng Viva, IWantTV at KTXPh. A new Sarah G raw ang mae-experience ng manonood. “This is really it!!!” ang tanging caption ni SGG (Sarah Geronimo-Guidicelli) sa video.
Guest kaya sa online event ang asawa ni Sarah na si Matteo Guidicelli? May announcement kayang buntis na si Sarah?
Pagkamatay uli ni Michael V. fake na naman
Naglabas ng statement ang GMA Network last February 17 kaugnay sa lumabas na balita sa social media na namatay umano ang Kapuso comedian na si Michael V. “GMA wishes to clarify that it did not produce a post saying that Michael V has died.
“Links of the post, which may be spreading on social media and messaging apps, make unauthorized use of GMA logo.
“We also ask people to refrain from sharing the post, which we have reported to social media platforms. We urge people to follow our official account @GMANews on social media channels for latest news and updates,” saad ng statement.
Hindi ito ang unang pagkakataon na nabiktima ng fake news si Michael V.
- Latest
