Matteo, kinainggitan sa pinakitang garden

May vegetable garden sina Matteo Guidicelli at ininggit niya ang mga kaibigan at netizens na nakita ang post niya na nagha-harvest ng mga gulay. Makikita sa litrato na nakapag-harvest na si Matteo ng Chinese kangkong at nasa harap siya ng mga tanim na pechay na ready na rin for harvest. “We’ve been growing our own and it’s harvest time,” ang caption ni Matteo sa pinost na litrato. May nakita pa kaming talbos ng kamote na ready na rin for harvest.

Hindi na binanggit ni Matteo kung saan ang kanilang garden dahil mukhang malawak, hindi siguro sa garden sa bahay nila ni Sarah. May restaurant sila Matteo at nakakatulong nga naman kung may sarili silang garden for their veggies needs.

Bea at John Lloyd, ‘di tuloy sa sitcom ng TV5

Nilinaw ng manager ni Bea Alonzo na si Shirley Kuan na hindi gagawa ng sitcom sa TV5 si Bea. May mga lumabas kasing balita na gagawa ng sitcom sa TV5 si Bea katambal si John Lloyd Cruz at produced ng Brightlight Productions ni Albee Benitez. “Not true” ang sagot ni Shirley sa balitang ito na umingay pa dahil sa sinabi ni Bea na dahil freelancer na siya, she’s free to work sa ibang network.

Ayon pa kay Shirley, ang commitment ni Bea sa love team nila ni John Lloyd ay ang reunion movie nila sa Star Cinema. May title na nga ang movie na ididirehe ni Cathy Garcia-Molina. Gagawin nila ni Joh Lloyd ang reunion movie nila after ng movie ni Bea at Alden Richards.

And speaking of Bea and Alden movie, sa second week ng March na raw ang simula ng lock-in shooting nila at bago ang shooting, dadaan muna sina Bea at Alden at ibang cast na rin siguro ng acting workshops kay Nonie Buencamino.

Carmina, iniba ang atake sa pagkokontrabida

Kontrabida pala ang role ni Carmina Villarroel sa Afternoon Prime ng GMA 7 na Babawiin Ko Ang Lahat na pilot na sa Monday (February 22). Minsan lang gumanap na kontrabida ang aktres, kaya may challenges siyang hinarap.

Kuwento ni Carmina, pinag-aralan niya nang husto ang role at karakter ni Dulce, ang scheming first wife ni Victor na ginagampanan ni John Estrada. Ayaw ni Carmina na maging “stereotype” na kontrabida ang portrayal niya na kabaligtaran sa tunay niyang ugali.

Nahirapan daw talaga siya noong una, kaya ang ginawa niya, binuo niya ang karakter niya sa lock-in taping. Iyon ang mapapanood ng viewers kapag umere na ang Babawiin Ko Ang Lahat sa direction ni Jules Katanyag.

Julie Anne at David isusunod sa Recipe...

Susubukan ang tambalan nina Julie Anne San Jose at David Licauco sa series na Heartful Café na airing sa GMA News TV sa March. Tatapusin muna ang The Lost Recipe nina Mikee Quintos at Kelvin Miranda at papalitan nga ng Heartful Café nina Julie Anne at David.

First time nagtambal sina Julie Anne at David at mukhang magiging successful ang tandem dahil ngayon pa lang, may mga kinikilig nang fans.

Very “now” ang story ng Heartful Cafe, relatable kaya magugustuhan lalo na ng romantics. Kasama sa cast sina Edgar Allan Guzman, Ayra Mariano at iba pa.