Jessy, nagka-trauma nang mapagkamalang walang pambili sa Chanel store

Dalawang beses napagkamalang walang pambili ng Chanel bag si Jessy Mendiola – sa Paris and Taiwan.

Sa kanyang vlog kahapon ay inamin ng magiging misis ni Luis Manzano na nagka-trauma pa siya sa nasabing panghuhusga ng mga sales personnel ng nasabing luxury brand.

Actually, hindi raw siya nag-invest masyado sa mga mamahaling bag noon. Pero pinag-ipunan niya ito at nang ready na siyang bumili, pumunta siya sa physical store nito para bumili pero ‘yun nga dinaan-daanan at tiningnan-tingnan lang siya ng mga tindero ng nasabing store sa dalawang bansa.

Naungkat ang tungkol dito dahil may bagong purchase siya na Chanel bag na pinabili niya sa isang kilalang personal shopper.

Pang-second Chanel bag niya raw itong latest acquisition niya kung saan may pa-unboxing siya na pinapawisan daw ang singit niya dahil hindi niya gamay ang unboxing sa vlog.