Dito... nila ni JC sasabak agad sa Osaka Filmfest Janine ‘di bet ang may ka-loveteam!

Wow, bago pa man mapanood sa bansa ang pelikulang Dito at Doon starring Janine Gutierrez and JC Santos, magkakaroon na ito ng world premiere sa Osaka Asian Film Festival 2021 under New Action - Southeast Asia Section on March 5-14, 2021 ayon sa TBA Studios.

Wala pang binibigay na playdate ang TBA dito sa atin.

Samantala, hindi naman bet ni Janine ang loveteam. “Mas gusto ko po ‘yung walang loveteam. Andami kong natututunan sa mga actor na nakatrabaho ko na. This has been a goal for myself. Every project iba ‘yung inaasahan mo,” sabi niya sa ginanap na virtual media conference for Dito at Doon several days ago.

Puring-puri rin niya si JC bilang leading man. “JC is so amazing, masarap siyang katrabaho.”

Sana nga after Osaka Filmfest ay maipalabas na ito sa mga sinehan – kung magbubukas na ito by April sa MM.

Sayang kasi ang pelikula kung sasabak din sa online na malaki ang tendency na mapirata agad. Eh sa trailer pa lang, may kilig na.