Anne at Erwan, magkakasunod ang selebrasyon

Bukod sa pag-celebrate ng 10th month ni Baby Dahlia Amelie ngayong January, nai-celebrate rin ang birthday ni Erwan Heussaff at gumawa ng isang poem si Anne Curtis para sa kanyang mister.

Nag-turn 34 si Erwan last January 10.

Heto ang pinost ni Anne sa kanyang Instagram: “Happiest birthday Mon amour @erwan. Another year for you around the sun, Spending the past year so intimately with you has been quite fun. Hoping this year that has just begun, brings all your wishes, dreams & goals one by one. We will always be here to support you and cheer you on. You mean the world to us and we love you very much, Erwan. Love, Me and your mini-me. Joyeux Anniversaire [happy birthday] Mon amour.”

Pinost na photo ni Anne ay ang family portrait nilang tatlo na kuha noong nagbakasyon sila sa Tasmania. Next month, February, ang birthday ni Anne. Sa March ay mag-turn 1-year old na si Baby Dahlia.

Neil, proud na may natutulungan

Proud ang aktor na si Neil Ryan Sese sa kanyang panganay na anak na si Kahlia dahil ito ang nagpatakbo ng kanilang seafood delivery business na K&G Seafood noong nasa one month lock-in taping siya para sa Descendants of the Sun. Sa isang Instagram post, pinasalamatan ni Neil ang 13-year old daughter sa pagtulong sa kanyang negosyo habang wala siya at nasa taping.

Nagkaroon ng K&G Seafood si Neil noong simula ng pandemic bilang paraan para kumita habang wala pa siyang showbiz projects dahil sa lockdown. Ang aktor din ang nagde-deliver gamit ang kanyang bike.

Unti-unting nag-expand ang business ni Neil at nakapag-hire pa ng ibang riders na nawalan ng trabaho dahil sa lockdown. “Unang-una nakakataba talaga sa puso kasi natutulungan ko silang mga rider. Kasi noong una talaga, ‘yung first few weeks nila, ‘yung isa naluha pa kasi malaki na yung nakuha niya. Mga PhP850, parang ganun. Ang sarap lang nung feeling na nakakatulong ka sa tao.”

Nick at Priyanka, naging mas matibay sa Quarantine

Mas lalo raw tumatag ang pagsasama nila Nick Jonas at Priyanka Chopra bilang mag-asawa dahil sa ongoing pandemic.

Sey ni Priyanka na mas nakilala nila ni Nick ang isa’t isa dahil sa ilang buwan na naka-quarantine sila. Unlike noon na may kanya-kanya silang mga lakad parati. “Quarantine gave us the ability to spend a lot of time together, which I’m really blessed by. Because with both of our careers it’s hard to find that kind of time.”

Bago magkaroon ng COVID-19 pandemic, natapos ni Priyanka ang mga eksena niya sa pelikulang The Matrix 4 sa Berlin, Germany at Text For You in London.

Last December ay nag-celebrate sina Nick at Priyanka ng kanilang second wedding anniversary. Naging extra special daw dahil silang dalawa lang ang nag-celebrate in London. “It’s so comforting to find a person who is in your corner. Whatever I may be in my professional life or how the world perceives me, I’m just a girl trying to live her life in the best way possible, and I’m so grateful to have a partner in doing that,” sey ni Priyanka.